बैलगाडीतून दुचाकीची वरात; इंधन दरवाढी विरोधात राष्ट्रवादी युवक कॉंग्रेसचे आंदोलन

पुणे – पेट्रोल व डिझेलच्या भाववाढीच्या विरोधात गुरूवारी राष्ट्रवादी युवक कॉंग्रेसच्या वतीने करण्यात आलेल्या आंदोलन करण्यात आले. पेट्रोल व डिझेल ची किंमत दररोज वाढत आहे. 112 रुपये पेट्रोल झाले आहे तर डिझेलने सुद्धा शंभरी ओलांडली आहे. तेलांच्या दररोजच्या या दरवाढीच्या विरोधात बैलगाडीवर टू व्हिलर ठेवत प्रवास करून हे अभिनव आंदोलन करण्यात आले.

मोदी सरकार विरोधात तीव्र संताप व्यक्त करण्यात आला. या आंदोलनास राष्ट्रवादी कॉंग्रेस पार्टीचे पुणे शहराध्यक्ष प्रशांत जगताप, नगरसेविका सायली वांजळे ,युवक प्रदेश उपाध्यक्ष राकेश कामठे, मयूर गायकवाड, युवक अध्यक्ष महेश हांडे, मनोज पाचपुते, सुशांत ढमढेरे, अब्दुल हाफिज, किशोर कांबळे, रुपेश संत, शरद दबडे , अविनाश भांड , किरण खैरे ,अमोल ननावरे, अजिंक्‍य पालकर, रोहन पायगुडे यांच्या सह पदाधिकारी तसेच कार्यकर्ते मोठ्या संख्येने उपस्थित होते.