mohammed shami – भारताने न्यूझीलंडचा 70 धावांनी पराभव करत विश्वचषक 2023 च्या अंतिम फेरीत धडक मारली आहे. या सामन्यात मोहम्मद शमीने शानदार गोलंदाजी करत सात विकेट्स घेतल्या. शमीच्या गोलंदाजीचे पंतप्रधान नरेंद्र मोदी यांनी खूप कौतुक केले आहे.

 

Today’s Semi Final has been even more special thanks to stellar individual performances too.

The bowling by @MdShami11 in this game and also through the World Cup will be cherished by cricket lovers for generations to come.

Well played Shami!

— Narendra Modi (@narendramodi) November 15, 2023

 

“आजची उपांत्य फेरी अधिक खास बनली ती चमकदार वैयक्तिक कामगिरीमुळे,” पंतप्रधानांनी ट्विटरवर म्हटले आहे. मोहम्मद शमीची शानदार गोलंदाजी क्रिकेटप्रेमींच्या भावी पिढ्यांच्या स्मरणात राहील. शमी छान खेळला!” असेही ते ट्विटमध्ये म्हणाले आहे.

यंदाच्या विश्वचषकात शमीने सहा सामन्यांत २३ विकेट घेतले आहेत. न्यूझीलंडविरुद्धच्या उत्कृष्ट कामगिरीबद्दल त्याला सामनावीराचा पुरस्कार देण्यात आला आहे. दरम्यान न्यूझीलंडविरुद्ध वर्ल्डकपच्या सेमीफायनलमध्ये विराट कोहली आणि श्रेयस अय्यरने शानदार शतक ठोकले. कोहलीने या सामन्यात आपले ५०वे शतक पूर्ण केले. हे शतक ठोकताना कोहलीने मास्टर ब्लास्टर सचिन तेंडुलकरच्या ४९ शतकांचा रेकॉर्ड तोडला.

 

Congratulations Team India. Very Well Deserved Win. Special congratulations to Virat Kohli for his record and Mohammed Shami for his excellent bowling performance. All the Best for World Cup Final!

— Sharad Pawar (@PawarSpeaks) November 16, 2023

 

दरम्यान,  नरेंद्र मोदींसह राष्ट्रवादी काँग्रेस पक्षाचे अध्यक्ष शरद पवार यांनी X वर पोस्ट करून विराट कोहली आणि मोहम्मद शमीचं अभिनंदन केलं आहे. टीम इंडियाचे अभिनंदन. हे यश अपेक्षित होतं. विराट कोहलीचे त्याच्या विक्रमासाठी आणि मोहम्मद शमीचे त्याच्या उत्कृष्ट गोलंदाजीबद्दल विशेष अभिनंदन. वर्ल्ड कप फायनलसाठी ऑल द बेस्ट!, असं शरद पवार म्हणाले.