Pune Crime News | पुण्यातील नवी सांगवी परिसरात अघोरी कृत्य केल्याचा धक्कादायक प्रकार तब्बल एका वर्षांनंतर उजेडात आला आहे. पत्नीने कोर्टात पोटगीचा दावा दाखल केल्याचा राग अनावर झालेल्या पतीने पत्नीसोबत अघोरी कृत्य केले आहे. या प्रकरणी नवी सांगवी पोलिसांत गुन्हा दाखल करण्यात आला आहे.

मिळालेल्या माहितीनुसार, अघोरी कृत्याचा प्रकार एका वर्षापूर्वी घडला. पत्नीने कोर्टात पोटगीचा दावा दाखल केल्याचा राग अनावर झालेल्या पतीने गळ्याला कोयता लावत तिच्या इच्छेविरुद्ध जबरदस्तीने पत्नीवर शारीरिक अत्याचार केला. एवढ्यावरच पती थांबला नाही तर त्याने घरातील हळद कुंकू लावलेल्या लिंबाच्या चार फोडी पत्नीच्या गुप्तांगाला पिळल्या. या अत्यंत घृणास्पद प्रकाराने खळबळ उडाली आहे. या प्रकरणी एका ३६ वर्षीय पीडित महिलेले ११ एप्रिल रोजी नवी सांगवी पोलीस ठाण्यात फिर्याद दाखल केली आहे.

मिळालेल्या अधिकच्या माहितीनुसार, फिर्यादी महिला आणि आरोपी पती यांचा २००४ मध्ये विवाह झाला होता. या दाम्पत्याला २ मुले आहेत. लग्नाच्या काही वर्षांनंतर दोघांच्या नात्यात कटुता निर्माण व्हायला सुरूवात झाली. पती पत्नीवर चारित्र्याचा संशय घेऊ लागल्याने दोघांमध्ये सतत वाद होत गेले. अखेर या वादाला कंटाळून पीडित पत्नी मुलांना घेऊन बालेवाडी येथे राहण्यासाठी गेली. त्यानंतर आरोपी आरोपी पती त्याच परिसरात दुसऱ्या ठिकाणी राहण्यासाठी गेला.

साधारण वर्षाभरापूर्वी मुलांची वह्या पुस्तके आणण्यासाठी पत्नी पतीच्या घरी आली होती. यावेळी तिचा पती दारुच्या नशेत होता. पतीने पत्नीला शिवीगाळ करण्यास सुरूवात केली. मात्र, पत्नीने पतीने मद्यप्राशन केल्यामुळे प्रत्युत्तर दिले नाही. त्यानंतर पतीने घरातील कोयता काढत पत्नीला जबरदस्तीने कपडे काढायला लावले.

तिच्या इच्छेविरुद्ध शारीरीक संबंध प्रस्थापित केले. त्यानंतर पतीने घरातून हळदी कुंकू लावलेल्या लिंबाच्या फोडी आणून त्या पत्नीच्या गुप्तांगात पिळल्या. याबाबद्दल कोणाला काही सांगितले तर जीवे मारण्याची धमकी दिली. या भयंकर प्रकारामुळे संबंधित महिला कोणालाही काही न बोलता आई आणि मुलांसह घरी गेली. काही दिवसानंतर तिने हा प्रकार आपल्या आई आणि मामीला सांगितला.