Sanjay Raut : उद्या २३ फेब्रुवारीपासून राज्याच्या अर्थसंकल्पीय अधिवेशनाला सुरुवात होणार आहे. यंदाचे अधिवेशन विविध मुद्यांनी गाजणार असून, विरोधक सत्ताधाऱ्यांना कोंडीत धरण्याचा प्रयत्न करणार आहेत. मात्र, विधिमंडळातील दोन्ही सभागृहात विरोधी पक्षनेता नाही. त्यामुळे विरोधी पक्षनेत्याशिवाय हे अधिवेशन होणार आहे. शिवसेनेकडून विधानसभेतील विरोधी पक्षनेता म्हणून भास्कर जाधव यांच्या नावावर शिक्कामोर्तेब झाला असून, तसा प्रस्ताव विधानसभा अध्यक्ष्यांकडे पाठवण्यात आला होता. मात्र, त्यावर अद्याप निर्णय झालेला नाही. त्यामुळे यंदाचे अधिवेशन वादळी ठरणार आहे. विधानसभा अध्यक्षांकडे विरोधी पक्ष नेता निवडीचा प्रस्तावावर निर्णय झाला नसल्याने ठाकरे गटाचे नेते खासदार संजय राऊत यांनी विधानसभा अध्यक्ष राहुल नार्वेकर यांच्यावर टीकेचे तोफ डागली. विधानसभा अध्यक्षांच्या खुर्चीवर जी व्यक्ती बसली आहे त्या व्यक्तीचं पॉलिटिकल कॅरेक्टर आहे ते पाहता ते निर्णय घेतील की नाही हा पहिला प्रश्न आहे आणि घेतला तर नक्की काय असेल ही सुद्धा शंका लोकांना आहे, अशा शब्दांत संजय राऊत यांनी विधानसभा अध्यक्ष राहुल नार्वेकर यांच्यावर टीका केली आहे. Sanjay Raut पुढे बोलताना राऊत म्हणाले, “मुख्यमंत्र्यांना विरोधी पक्षनेतेपदासाठी एक वर्षापूर्वी पत्र दिलं आहे, पण नियमांकडे बोट दाखवलं जातं, मुख्यमंत्री म्हणतात तो माझा अधिकार नाही तो विधानसभा अध्यक्षांचा अधिकार आहे, विधानसभा अध्यक्ष म्हणतात की मी निर्णय घेईन. जी व्यक्ती जमिनीचा कब्जा करण्यासाठी गावात जाऊन भानगडी करते ते विधानसभा अध्यक्ष आहेत,” असा घणाघात राऊतांनी विधानसभा अध्यक्षांवर केला आहे. विधानसभा अध्यक्षांवर अविश्वाचा ठरावच आणला पाहिजे: संजय राऊत भास्कर जाधव यांच्या नावावर महाविकास आघाडीने शिक्कामोर्तब केलं आहे, पण भास्कर जाधव नको हे तुम्ही कोण ठरवणार? विधान परिषदेमध्येही विरोधी पक्षनेतेपद द्यायचं नाही यासाठी कारस्थान केले जात असल्याचा गंभीर आरोप संजय राऊत यांनी केला आहे. तसेच विधानसभा अध्यक्षांवरती अविश्वास ठरावच आणला पाहिजे, अशी मोठी मागणी देखील संजय राऊत यांनी केली आहे. लोकशाहीच्या भाषेत म्हणायचं तर मनमानी आणि झुंडशाही अशा पद्धतीने विधानसभा किंवा विधिमंडळ चालवल जातं, अशी टीकाही त्यांनी केली आहे. हेही वाचा : Today Top 10 News : शरद पवार पुन्हा रुग्णालयात दाखल ते पाकिस्तानचा अफगाणिस्तानवर एअर स्ट्राईक; जाणून घ्या आजच्या Top 10 News
