Mehbooba mufti | Nitish Kumar – नितीशजींना मी वैयक्तिकरित्या ओळखते आणि त्यांचा आदरही करते. मात्र एका तरुण मुस्लिम महिलेचा बुरखा काढताना पाहून मला धक्का बसला. हे वृद्धापकाळाचे लक्षण आहे की मुस्लिमांचा सार्वजनिक अपमान करण्याचे नवे तंत्र ? असा सवाल जम्मू काश्मीरच्या माजी मुख्यमंत्री यांनी बिहारचे मुख्यमंत्री नितीशकुमार यांना विचारला. बिहारचे मुख्यमंत्री नितीश कुमार यांनी एका कार्यक्रमादरम्यान एका मुस्लिम महिलेच्या चेहऱ्यावरचा बुरखा खाली खेचल्याची घटनेचा एक व्हिडियो व्हायरल झाला आसून त्या व्हिडिओमध्ये नितीश कुमार एका मुस्लिम महिलेचा चेहरा झाकलेला बुरखा खाली खेचताना दिसत असल्याचा दावा करण्यात आला आहे. पीडीपी अध्यक्षा आणि जम्मू-काश्मीरच्या माजी मुख्यमंत्री मेहबूबा मुफ्ती यांनी घटनेच्या संदर्भात तीव्र प्रतिक्रिया देताना या घटनेमुळे आपण धक्क्यात असल्याचे सांगत त्यांनी नितीश कुमार यांच्या मुख्यमंत्रीपदावरच प्रश्नचिन्ह उपस्थित केले आहे. या घटनेदरम्यान उपस्थित असलेले लोक हा प्रकार मनोरंजनासारखा पाहत होते, हे अधिक चिंताजनक असल्याचे मुफ्ती यांनी नमूद केले. नितीश साहेब, कदाचित आता तुम्ही पदत्याग करण्याची वेळ आली आहे, असे म्हणत त्यांनी आपली टीका अधिक तीव्र केली.
