Rajesh Tailang Post : ‘मिर्झापूर’ आणि ‘दिल्ली क्राइम’ सारख्या वेबसिरीजमध्ये लक्ष वेधून घेणाऱ्या भूमिका साकारणारे प्रसिद्ध अभिनेते राजेश तैलंग (Rajesh Tailang) यांच्या आईचे निधन झाले असून, अभिनेत्यावर दुःखाचा डोंगर कोसळला आहे. या दुःखद प्रसंगी आईच्या आठवणीत अभिनेत्याने एक भावूक पोस्ट सोशल मीडियावर शेअर केली आहे. राजेश तैलंग यांनी त्यांच्या इंस्टाग्राम अकाउंटवर त्यांच्या आईचा फोटो शेअर करून निधनाची बातमी शेअर केली आहे. या पोस्टमध्ये, “जिने मला या जगात आणले ती आज मला सोडून गेली आहे. आई आता नाही.” असे म्हटले आहे. Rajesh Tailang राजेश तैलंग यांच्या या पोस्टवर चाहत्यांनी कमेंट्स करत दुःख व्यक्त केले आहे. या दुःखद प्रसंगातून सावरण्याचे बळ मिळो अशा कमेंट्स् चाहत्यांनी केल्या आहेत. राजेश तैलंग हे दिवंगत राजकीय व्यंगचित्रकार आणि पद्मश्री पुरस्कार विजेते सुधीर तैलंग यांचे भाऊ आहेत. राजेश तैलंग यांनी २०१६ मध्ये त्यांचा भाऊ सुधीर यांना गमावले, त्यानंतर आता आईचे निधन झाले आहे. View this post on Instagram A post shared by Rajesh Tailang (@rajeshtailang) सुरुवातीचे दिवस (Rajesh Tailang ) राजेश तैलंग यांच्या बद्दल बोलायचे झाले तर, त्यांनी अगदी लहान वयातच अभिनय करायला सुरुवात केली होती, पण मुख्य प्रवाहात येण्यासाठी त्यांना मोठा संघर्ष करावा लागला. अभिनेता स्ट्रगलच्या काळात मुंबईत ११ जणांसोबत एका छोट्या खोलीत राहत होता.(Rajesh Tailang ) राजेश तैलंग यांना मुंबईत राहणे कठीण होते. त्यांना मुंबईत काम मिळण्यासाठी अनेक वर्षे संघर्ष करावा लागला आणि नंतर कंटाळून ते दिल्लीला परतले. १९९९ मध्ये त्यांनी त्यांचा भाऊ सुधीर तैलंग यांच्यासोबत माहितीपटांचे दिग्दर्शन करण्यास सुरुवात केली. दोन-तीन वर्षे सातत्य ठेवून काम केल्यानंतर राजेश तैलंग पुन्हा मुंबईत परतले आणि अभिनय क्षेत्रातच आपले नशीब आजमावण्याचा निर्णय त्यांनी घेतला. सुरुवातीला चित्रपट आणि शोमध्ये छोट्या भूमिका मिळाल्या. “मिर्झापूर” वेबसिरीजने त्यांचे नशीब पालटले आणि त्यांना ओळख मिळवून दिली. या महत्वाच्या भूमिका केल्या. (Rajesh Tailang ) “मिर्झापूर” मध्ये राजेश तैलंग यांनी गुड्डू आणि बबलू पंडित यांच्या वडिलांची भूमिका केली आणि ते लोकप्रिय झाली. त्यानंतर त्यांनी कधीही मागे वळून पाहिले नाही. “दिल्ली क्राइम”, “बंदिश बॅन्डिट्स”, “रंगबाज”, “ट्रायल बाय फायर”, “बकैती” आणि “क्रॅकडाउन” सारख्या वेबसिरीजमध्ये काम केले. १९९४ मध्ये दूरदर्शन टीव्ही शो “शांती: एक घर की कहानी” मधून त्यांनी अभिनय कारकिर्दीला सुरुवात केली. ‘हजार चौरासी की मां’ हा त्यांचा पहिला चित्रपट होता. हेही वाचा :Asif Merchant: ‘ट्रम्पला मारण्याची योजना होती’ ; इराणी गुप्तचर एजंट्सचा मोठा कट उघड
