न्हावरे : करडे (ता. शिरुर) येथील घायतडक वस्तीवर मध्यरात्री उशिरा भक्ष्याच्या शोधात असलेल्या बिबट्याने थेट घराच्या आवारात प्रवेश केला. हा प्रसंग इतका अचानक घडला की घरातील सदस्यांना काही क्षण काय घडत आहे हेच कळेनासे झाले. या बिबट्याने श्वानावर हल्ला केल्याची प्राथमिक माहिती आहे. यावेळी सुदैवाने घायतडक कुटुंबातील सदस्यांनी तत्परता दाखवत परिस्थिती नियंत्रणात आणली आणि मोठा अनर्थ टळला. या घटनेमुळे संपुर्ण करडे परिसरात भीतीचे व दहशतीचे सावट पसरले आहे. करडे ग्रामस्थांनी वनविभागाकडे बिबटयाला पकडण्यासाठी पिंजरा लावण्याची मागणी केली आहे.
