Uttarakhand – उत्तराखंडमधील सिल्क्यरा येथे बोगद्यात अडकलेल्या मजुरांना बाहेर काढण्यासाठी बचावकार्य सुरू आहे. बचाव पथकांना आतापर्यंत 6 इंची पाईप ढिगाऱ्यात टाकण्यात यश आले आहे, ज्याद्वारे कामगारांना गरम जेवण पोहोचवण्यात आले आहे. या पाईपद्वारे बोगद्यात एन्डोस्कोपिक फ्लेक्सी कॅमेराही बसवण्यात आला असून, त्यामुळे बोगद्यात अडकलेल्या कामगारांची फोटो पहिल्यांदाच जगासमोर आली आहे.

विविध मीडिया प्लॅटफॉर्मवरून समोर आलेल्या व्हिडिओंमध्ये, बचाव अधिकारी रेडिओ हँडसेट/वॉकी टॉकीद्वारे बोगद्यात अडकलेल्या कामगारांशी बोलत असल्याचे दिसत आहे. बोगद्यात अडकलेल्या कामगारांची फोटो पाहिल्यानंतर त्यांच्या कुटुंबीयांनीच नव्हे तर देशभरातील लोकांनी सुटकेचा नि:श्वास सोडला आहे.

प्रसारमाध्यमांशी संवाद साधताना विक्रम सिंह नावाच्या व्यक्तीने सांगितले की, ‘त्याने बोगद्यात अडकलेल्या भावाशी वॉकी टॉकीद्वारे बोलले. विक्रम सिंह म्हणाले की, मी सुरक्षित असल्याचे सांगितले. कौटुंबिक बाबींवरही त्यांनी प्रश्न उपस्थित केले. त्याच्या भावासह सर्व लोकांची लवकरच सुटका करण्यात येईल, असे आश्वासन प्रशासनाने दिल्याचे विक्रम यांनी सांगितले.’

मंगळवारी डेहराडूनमध्ये माध्यमांशी संवाद साधताना राज्याचे मुख्यमंत्री पुष्कर सिंह धामी म्हणाले की, ‘कामगारांना बाहेर काढणे हे सरकारचे पहिले प्राधान्य आहे. आम्ही नुकताच कॅमेरा पाठवला आहे, आणि त्यांना वॉकी-टॉकी आणि संवादाची इतर साधने पुरवण्याचा विचार करत आहोत. याद्वारे माहिती सातत्याने उपलब्ध होणार आहे. त्यांचे मनोबल चांगले आहे, प्रत्येकजण निरोगी आहे आणि पुढे जाण्यासाठी सर्वोत्तम प्रयत्न केले जातील.’ असेही संगीतले आहे.