Kapil Sharma’s reaction : प्रसिद्ध कॉमेडियन कपिल शर्माच्या कॅनडातील ‘कॅप्स कॅफे’ या नव्या रेस्टॉरंटवर बुधवारी मध्यरात्री अंधाधुंद गोळीबार झाल्याची धक्कादायक घटना घडली. या घटनेमुळे एकच खळबळ उडाली आहे. या घटनेचा व्हिडीओ देखील समोर आला आहे. राष्ट्रीय तपास यंत्रणेचा (एनआयए) मोस्ट वॉन्टेड दहशतवादी हरजीत सिंह लड्डी याने या हल्ल्याची जबाबदारी स्वीकारली आहे. या गोळीबारात कॅफेच मोठं नुकसान झाले असून याविषयी आता कपिल शर्माची प्रतिक्रिया समोर आली आहे. आम्ही हार न मानता नव्याने सुरुवात करु, अशी प्रतिक्रिया कपिलच्या टीमकडून देण्यात आली आहे. तसेच रेस्टॉरंट पुन्हा सुरु करणार अशी आशा व्यक्त करण्यात आली आहे. सर्व लोक एकत्र येतील या उद्देशाने आम्ही हे कॅफे सुरु केलं होतं. या हल्ल्यामुळे आमच्या स्वप्नांचा हृदयद्रावक भंग झाला आहे, आम्ही या धक्क्यातून सावरण्याचा प्रयत्न करतोय. आम्ही हार मानणार नाही, आम्ही पुन्हा नव्याने सुरुवात करू, असे कपिल शर्माच्या टीमकडून जारी करण्यात आलेल्या पोस्टमध्ये सांगण्यात आले आहे. पोस्टमधून पाठिंब्यासाठी आभार देखील मानन्यात आले आहे. या हिंसेविरोधात एकजुट होऊया. पुन्हा नव्याने सुरुवात करुया. चांगली परिस्थिती झाल्यास पुन्हा भेटूया, असे देखील म्हटले आहे. सोशल मीडियावर या घटनेनंतर #supportkapscafecanada असा हॅशटॅग वापरला जात आहे. नेमकं काय घडलं? प्रसिद्ध कॉमेडियन कपिल शर्माच्या कॅनडातील ‘कॅप्स कॅफे’ या नव्या रेस्टॉरंटवर बुधवारी मध्यरात्री अंधाधुंद गोळीबार झाल्याची धक्कादायक घटना घडली. या घटनेचा व्हिडीओ देखील समोर आला आहे. राष्ट्रीय तपास यंत्रणेचा (एनआयए) मोस्ट वॉन्टेड दहशतवादी आणि बब्बर खालसा इंटरनेशनल (बीकेआय) शी संबंधित हरजीत सिंह लड्डी याने या हल्ल्याची जबाबदारी स्वीकारली आहे. पोलिसांनी परिसर सील करून तपास सुरू केला आहे.. सूत्रांनुसार, हरजीत सिंह लड्डीने कपिल शर्मा यांच्या काही जुन्या वक्तव्यांच्या आधारावर हा हल्ला घडवल्याचा दावा केला आहे. या प्रकरणाचा तपास सुरू असून, पोलिस लवकरच आरोपींपर्यंत पोहोचतील, अशी अपेक्षा व्यक्त केली जात आहे. हेही वाचा : Brij Bhushan Singh’s challenge to Raj Thackeray : ” ….तर त्यांना पेलू शकणार नाही”; दुबेंनंतर आणखी एका भाजप नेत्याच राज ठाकरेंना खुल आव्हान
