Matka King Teaser : गेल्या काही दिवसांपासून ‘मटका किंग’ वेबसिरीजची जोरदार चर्चा आहे. नुकताच या वेबसिरीजचा टीझर रिलीज करण्यात आला आहे. अभिनेता विजय वर्मा याच्या वाढदिवसाच्या दिवशी मेकर्सने टीझर रिलीज केला आहे. एक मिनिट तीन सेकंदांच्या या टीझरमध्ये मटका किंग या वेबसिरीजी झलक पाहायला मिळते. मटका किंग ही वेबसिरीज रतन खत्री (Ratan Khatri) यांच्या खऱ्या जीवनावर आधारित आहे, पण ती पूर्णपणे फ्रिक्शन स्वरुपात दाखवली जाणार आहे. अभिनेता विजय वर्माला एका नवीन भूमिकेत पाहण्यासाठी चाहते आतुर झाले आहेत. या वेबसिरीजमध्ये 1960 दशकातील मुंबई कशी होती? हे देखील बघायला मिळणार आहे. या वेबसिरीजमध्ये अभिनेता विजय वर्मा मुख्य भूमिकेत आहे. त्याचे पात्र लोकांना जुगारासाठी प्रवृत्त करणाऱ्या एका व्यक्तीच्या भूमिकेत दिसत आहे. यातून तो अमाप संपत्ती कमावतो आणि आलिशान जीवन जगतो. टीझरमध्ये याची झलक पाहायला मिळते. तसेच ज्येष्ठ अभिनेते गुलशन ग्रोव्हरची देखील एक छोटी झलकही पाहायला मिळते. या टीझरमधून कथेच्या अनुषंगाने कोणतीही गोष्ट रिव्हील केलेली नाही. टीझर प्रदर्शित करताना, प्राइम व्हिडिओने इन्स्टाग्रामवर लिहिले, “‘पॉट’ (‘Pot’) हा शब्द उलट्या क्रमाने लिहिल्यास ‘टॉप’ (Top) होतो, आणि तिथेच राजा असतो. ‘मटका किंग’ 17 एप्रिल रोजी प्राइम व्हिडिओवर प्रदर्शित होईल.” अशी पोस्ट केली आहे. ‘मटका किंग’ मध्ये विजय वर्मा, कृतिका कामरा यांच्याशिवाय मराठी कलाकार सई ताम्हणकर, सिद्धार्थ जाधव आणि इतर कलाकार आहेत. विशेष म्हणजे या वेबसिरीजचे दिग्दर्शक नागराज मंजुळे यांनी केले आहे. ‘मटका किंग’चे सह-निर्माते सिद्धार्थ रॉय कपूर म्हणाले, “या वेबसिरीजने भव्य प्रमाणावर निर्माण केलेल्या अनोख्या जगाने आम्हाला सर्वात जास्त आकर्षित केले. हेही वाचा :
