Avatar 3 : अवतार फ्रँचायझीचा तिसऱ्या भागाची पहिली झलक प्रेक्षकांच्या भेटीला आली आहे. ही पहिली झलक पाहून प्रेक्षकांच्या मनात चित्रपटाविषयी मोठी उत्सुकता निर्माण झाली आहे. यामधून निर्मात्यांनी या चित्रपटाचा ट्रेलर कधी रिलीज होणार हे जाहीर केले आहे. त्यामुळे लवकरच हा चित्रपट प्रेक्षकांच्या भेटीला येणार आहे.

चित्रपटाच्या खलनायक ‘वरंग’ची पहिली झलक ‘अवतार ३’ मधून दाखवण्यात आली आहे. या चित्रपटाचे बजेट २५ कोटी अमेरिकन डॉलर्स म्हणजेच २१,५६,२८,५८,७५० भारतीय रुपये असल्याचे सांगितले जात आहे. १९ डिसेंबर २०२५ रोजी जागतिक स्तरावर अवतार ३ रिलीज करण्यात येणार आहे.

Meet Varang in Avatar: Fire and Ash.

Be among the first to watch the trailer, exclusively in theaters this weekend with The Fantastic Four: First Steps. pic.twitter.com/MZi0jhBCI5

— Avatar (@officialavatar) July 21, 2025

पहिल्या पोस्टरमध्ये खलनायक वरंगचा चेहरा आहे. हे पात्र उना चॅप्लिन साकारत आहे. वरंगला मांगकवान कुळाचा किंवा अॅश पीपलचा नेता म्हटले जात आहे. या आठवड्याच्या शेवटी थिएटरमध्ये ‘द फॅन्टास्टिक फोर: फर्स्ट स्टेप्स’ सह ट्रेलर पाहणाऱ्यांपैकी एक व्हा.’ २५ जुलै २०२५ रोजी या चित्रपटाच्या रिलीजसह ट्रेलर लाँच केला जाईल, असे सांगण्यात आले आहे. न्यू यॉर्क टाईम्समधील वृत्तानुसार, ‘अवतार ३’ चा ट्रेलर अलीकडेच डिस्नेच्या लॉस एंजेलिस आणि न्यू यॉर्क कार्यालयात दाखवण्यात आला.