Rajya Sabha Election 2026 : राज्यसभा निवडणुकीसाठी आज ५ मार्च उमेदवारी अर्ज दाखल करण्याचा शेवटचा दिवस आहे. १६ मार्च रोजी राज्यसभेसाठी मतदान होणार आहे. त्याच दिवशी विजयी उमेदवारांची घोषणा करण्यात येईल. भाजपकडून चार उमेदवारांच्या नावांची घोषणा राज्यसभेसाठी करण्यात आली आहे. राष्ट्रवादी काँग्रेस पक्षाने पार्थ पवार यांच्या नावाची घोषणा राज्यसभेसाठी केली आहे. महाविकास आघाडीकडून ज्येष्ठ नेते शरद पवार पुन्हा राज्यसभा निवडणुकीत उतरणार आहेत. या सगळ्यात शिवसेना शिंदे पक्षाने उमेदवाराची घोषणा केलेली नाही. पक्षातून १ जागेसाठी ८ जण इच्छूक असल्याने पक्षप्रमुख एकनाथ शिंदे कोणाला संधी देणार हे पाहणे महत्वाचे असणार आहे. महायुतीकडून राज्यसभेसाठी एकूण सहा जागा लढवल्या जात आहेत. यापैकी एक जागा शिवसेना शिंदे पक्ष लढवत आहे. या जागेसाठी पक्षातील ज्येष्ठ नेते माजी खासदार गजानन किर्तीकर आणि आनंद अडसूळ इच्छुक असल्याचे समजते. गजानन कीर्तीकर यांनी लोकसभा उमेदवारी न स्विकारता रविंद्र वायकर यांना पाठिंबा दिला होता. तर शिवसेनेत फूट पडल्यानंतर पक्षात शिंदेसोबत आलेल्या माजी खासदार आनंदराव अडसूळ यांना राज्यपाल हे पद देण्याचे आश्वासन दिले होते. त्यामुळे हे दोन नेते राज्यसभेवर जाण्यासाठी इच्छुक असल्याचे समजते. दुसरीकडे नाशिकचे शिवसेनेचे माजी खासदार हेमंत गोडसे आणि कोल्हापूरचे माजी खासदार संजय मंडलिक या दोन नेत्यांनी एकनाथ शिंदे यांची नंदनवन निवासस्थानी जाऊन भेट घेतली आहे. त्यामुळे हे नेते देखील इच्छुक असल्याची चर्चा आहे. काँग्रेसला सोडून शिंदे यांच्या शिवसेनेत आलेले माजी खासदार संजय निरुपम यांनी पुन्हा दिल्लीत जाण्याची इच्छा व्यक्त केली आहे. याशिवाय प्रवक्त्या शायना एनसी, आणि प्रवक्त्या ज्योती वाघमारे यांचेही नाव चर्चेच आहेत. या सगळ्यात एका नावाची सर्वाधिक चर्चा आहे. ते नाव म्हणजे शिवसेनेचे सरचिटणीस आणि माजी खासदार राहुल शेवाळे यांचे. एकनाथ शिंदे यांच्या मर्जीतले नेते म्हणून राहुल शेवाळे यांच्याकडे पाहिले जाते. महत्वाचे म्हणजे शिवसेना पक्षाच्या चिन्हासंदर्भात न्यायालयीन लढाईसाठी राहुल शेवाळे यांच्यावर जबाबदारी सोपवली होती. याशिवाय मुंबई महापालिकेची जबाबदारी देखील त्यांच्यावर होती. या जबाबदाऱ्या चोख बजावल्यामुळे राज्यसभेसाठी त्यांच्या नावाचा विचार केला जाऊ शकतो. शिवाय तरुण उच्चशिक्षित म्हणून पक्षाची राज्यसभेतील जबाबदारी ते उत्तम प्रकारे हाताळतील, असा विश्वास शिंदेंना असल्याचे सांगितले जाते. एकनाथ शिंदेंसमोर मोठा पेच राज्यसभेवर कोणाला संधी द्यायची असा मोठा पेच एकनाथ शिंदे यांच्यासमोर उभा आहे. एका जागेसाठी तब्बल ८ जण इच्छुक असल्याने शिंदेंना निर्णय घेण्यात उशिरा लागत आहे. त्यामुळे आज शिवसेना शिंदे पक्षाकडून कोणाच्या नावाची घोषणा राज्यसभेसाठी होणार हे पाहणे उत्सुकतेचे असणार आहे. इच्छुकांची नावे राहुल शेवाळे शायना एनसी ज्योती वाघमारे संजय निरुपम गजानन किर्तीकर आनंदराव अडसूळ हेमंत गोडसे संजय मंडलिक हेही वाचा : Hingoli Accident News : काळाचा घाला! अरुंद पूल ठरला जीवघेणा; पिकअप व्हॅन नदीपात्रात कोसळून एकाचा दुर्दैवी मृत्यू
