आळंदी : आळंदी नगरपरिषद सार्वत्रिक निवडणुकीसाठी झालेल्या मतदानात 75.66 टक्के मतदान झाल्याचे मुख्याधिकारी माधव खांडेकर यांनी सांगितले. आळंदी नगरपरिषदेच्या वतीने प्रभाग क्रमांक 1 ते 10 मध्ये नगराध्यक्ष पदासह 21 सदस्य निवडण्यासाठी मतदान उत्साहात झाले. आळंदी नगरपरिषदेने मतदारांसाठी विविध सेवा सुविधा उपलब्ध करून देण्यात आल्या होत्या. मतदारांचे स्वागत करण्यात आले. 18 वय वर्षावरील नवमतदारांसह 94 वर्षे वयोवृद्ध जेष्ठ नागरिक, महिला, पुरुष, दिव्यांग बांधव यांनी देखील मतदान करीत लोकशाहीचे उत्सवात आपला सहभाग दाखविला. सेल्फी घेत नवमतदारानी मतदान केल्याचा संदेश देत इतरांनी मतदान करण्याचे आवाहन केले. आळंदी शहरातील 10 प्रभागातील मतदानासाठी 30 मतदान केंद्र तैनात करण्यात आली होती. या मतदान केंद्रावर मतदारांचे सोयीसाठी व्हील चेअर, दिव्यांग बांधवांसाठी एक हात मदतीचा या न्यायाने कर्मचार्यांची नियुक्ती सेवाभावी वृत्ती जोपासत करण्यात आली होती. दिव्यांगांसाठी ये जा करण्यास रॅम्प ची देखील व्यवस्था होती. पिण्याचे पाणी, उन्हापासून संरक्षण व्हावे यासाठी मंडप व्यवस्था दक्षता घेत करण्यात आली होती. येथील एमआयटी कॉलेज मतदान केंद्र आदर्श आणि लक्षवेधी ठरले. आळंदी नगरपरिषद हद्दीतील (आळंदी हवेली-खेड) मतदार यांना जवळ असलेल्या ठिकाणी मतदान केंद्राची व्यवस्था करण्यात आली होती. यामध्ये श्री ज्ञानेश्वर विद्यालय, श्री ज्ञानेश्वर बालक मंदिर, नगरपरिषद शाळा क्रमांक एक मध्ये चार मतदान केंद्र होते. तसेच श्रीमती लक्ष्मीबाई विठ्ठलराव दुराफे विद्यालय, एमआयटी कॉलेज (आळंदी हवेली) भागातील नागरिकांच्या सोयीसाठी मतदार केंद्र उभारण्यात आले होते. यावेळी मतदारांनी सेल्फी पॉईंटवर सेल्फी घेत इतर मतदारांना मतदान करण्याचे आवाहन करीत निवडणूक आयोगाचे निर्देशांचे पालन करीत मतदान करून लोकशाही उत्सवात मतदान करून आपला हक्क बजावला. सकाळी सात वाजता मतदान सुरू झाल्यानंतर पहिल्या टन तासांत सुमारे 10 टक्केवर मतदान झाले. उत्तरोत्तर मतदाराची टक्केवारी वाढत राहिली. आळंदीमध्ये दीड वाजे पर्यंत 42.80 टक्केवर मतदान झाले. 10 हजार 841 मतदारांनी बजावला मतदानाचा हक्क. दुपारी काहीशी गर्दी मंदावली तर चार नंतर पुन्हा मतदान केंद्रात गर्दी वाढून मतदान संपण्याचे वेळी 75 टक्के मतदान झाले. मतदान संपण्याचे वेळी सुमारे 75 टक्के मतदान उत्साही शांततेत झाले. ज्येष्ठांकडून प्रेरणा मागील विधान सभेस आळंदीतील मतदान केंद्रावर आजोबांनी मुलासह नातवाचे उपस्थितीत वडील, मुलगा आणि नातू अशा तीन पिढ्यांनी मतदानाचा हक्क बजावला. मात्र यावेळी आळंदी नगरपरिषद निवडणुकीत वडगावकर कुटुंबियांचे येथे लग्न समारंभ असल्याने वडगावकर तीन पिढ्याचे मतदार मतदानाचा पासून वंचित राहिले. त्यांचे कुटुंबातील 50 हुन अधिक मतदार लग्ना मुळे मतदानाचा पासून वंचित राहिले. तर दुसरीकडे वय वर्ष 94 आळंदी नगरपरिषदेचे माजी नगरसेवक ज्येष्ठ नागरिक मदनशेठ बोरुंदिया यांनी लोकशाही उत्सवात सहभागी होत उत्साहात मतदान करून इतरांना प्रेरणा दिली. जेष्ठ नागरिक आदर्श शिक्षक एकनाथ घुंडरे (वय 87), पंढरीनाथ काकडे (वय 85) यांचेसह अनेक ज्येष्ठ नागरिकांनी मतदान करीत लोकशाही उत्सवात भाग घेतला. आळंदी ः येथे ज्येष्ठ नागरिकांनी मतदान केले.
