श्रीनगर – जम्मू-काश्मीरमधील किश्तवाड जिल्ह्यात स्वातंत्र्यदिनी शाळेत तिरंगा फडकवण्यात आला नाही. यानंतर शाळेतील 7 शिक्षकांवर कारवाई करण्यात आली आहे. या शिक्षकांना शाळेतून निलंबित करण्यात आले आहे. यासोबतच या संपूर्ण प्रकरणाच्या चौकशीसाठी एक समितीही स्थापन करण्यात आली आहे.

मिळालेल्या माहितीनुसार, किश्तवाड जिल्ह्यातील इंदरवाल भागातील एका शाळेत १५ ऑगस्टला तिरंगा फडकवण्यात आला नव्हता. याप्रकरणी शाळेतील 7 शिक्षकांवर कारवाई करण्यात आली आहे. शिक्षण विभागाने त्या सर्व शिक्षकांना निलंबित केले असून या प्रकरणाच्या चौकशीसाठी समितीही स्थापन करण्यात आली आहे. जोपर्यंत समिती या प्रकरणाचा तपास पूर्ण करत नाही तोपर्यंत हे सर्व शिक्षक निलंबित राहणार आहेत.

तामिळनाडूसुद्धा शिक्षकांनी तिरंगा फडकवला नाही

शाळांमध्ये तिरंगा न फडकावण्याची ही पहिलीच घटना आहे, असे नाही, यापूर्वी तमिळनाडूतून अशीच एक बातमी आली होती, जिथे धर्मपुरी जिल्ह्यातील एका सरकारी शाळेच्या मुख्याध्यापकांनी राष्ट्रध्वज फडकावला आणि त्याला सलामी दिली. स्वातंत्र्यदिनाच्या सोहळ्याच्या निमित्ताने त्यांनी नकार दिला होता.