Satara: रविवार पेठेतील 30 टपर्या जमीनदोस्त
Satara प्राथमिक शिक्षक बँकेपासून तहसील कार्यालयापर्यंतच्या रस्त्याच्या उजव्या बाजूला टपर्यांची अतिक्रमणे झाली होती. रस्त्यावर टपर्या टाकण्यावरून काही दिवसांपूर्वी या परिसरात दोन गटांमध्ये वाद झाला होता. स्वीकृत नगरसेविका शिवानी कळसकर यांनी या घटनेची गंभीर दखल घेऊन, ही अतिक्रमणे तातडीने हटवण्याची मागणी मुख्याधिकारी विनोद जळक यांच्याकडे केली होती.

Satara: रस्त्यांना अतिक्रमणांचा विळखा दिवसेंदिवस घट्ट होत असताना, पालिकेने रविवार पेठेतील कासट मार्केटच्या पिछाडीला तहसील कार्यालयाकडे जाणार्या रस्त्यावरील 30 टपर्या गुरुवारी सकाळी जमीनदोस्त केल्या. या परिसरात काही दिवसांपूर्वी दोन गटांमध्ये झालेल्या वादानंतर प्रशासनाला जाग आली. दोन जेसीबी, एक डम्परच्या साहाय्याने, पोलीस बंदोबस्तात दोन तासांमध्ये ही कारवाई करण्यात आली.
प्राथमिक शिक्षक बँकेपासून तहसील कार्यालयापर्यंतच्या रस्त्याच्या उजव्या बाजूला टपर्यांची अतिक्रमणे झाली होती. रस्त्यावर टपर्या टाकण्यावरून काही दिवसांपूर्वी या परिसरात दोन गटांमध्ये वाद झाला होता. स्वीकृत नगरसेविका शिवानी कळसकर यांनी या घटनेची गंभीर दखल घेऊन, ही अतिक्रमणे तातडीने हटवण्याची मागणी मुख्याधिकारी विनोद जळक यांच्याकडे केली होती. यासंदर्भात पोलिसांनीही पालिकेशी पत्रव्यवहार केला होता. त्यामुळे मुख्याधिकारी जळक यांच्या आदेशानुसार अतिक्रमणविरोधी विभागाने गुरुवारी कारवाई केली. दोन जेसीबी, एक डंपर, 17 कर्मचारी आणि पोलिस बंदोबस्त तैनात करण्यात आला होता. या कारवाईत 30 टपर्या जप्त करण्यात आल्या. टपरीधारकांना स्वतःच्या टपर्या घेऊन जाण्याची संधी देण्यात आली होती. मुख्याधिकारी जळक, अतिक्रमणविरोधी विभागाचे निरीक्षक प्रशांत निकम आणि संबंधित विभागप्रमुख शैलेश अष्टेकर यांनी या मोहिमेवर लक्ष ठेवले.
दुसर्या बाजूच्या अतिक्रमणांचे काय?
कासट मार्केटच्या पिछाडीचा परिसर अतिक्रमणमुक्त करण्यासाठी पालिकेने कारवाई केली असली, तरी रस्त्याच्या दुसर्या बाजूला झालेल्या अतिक्रमणांचा प्रश्न तसाच आहे. या बाजूला पालिकेच्या भाडेकरुंच्या काही टपर्या वगळून अन्य अतिक्रमणे पुढील दोन दिवसांत हटवण्यात येणार असल्याचे जळक यांनी स्पष्ट केले. मात्र, ही मोहीम एका दिवसापुरती मर्यादित राहणार की, संपूर्ण परिसर कायमस्वरूपी अतिक्रमणमुक्त होणार, याकडे नागरिकांचे लक्ष आहे.
सात हॉकर्स झोनचा पर्याय
फेरीवाला धोरण समितीच्या नियमांनुसार तब्बल 749 टपर्यांची नोंद आहे. शहरात सात हॉकर्स झोन निश्चित करण्यात आले असून, संबंधित फेरीवाल्यांचे या झोनमध्ये पुनर्वसन करण्यात येणार असल्याचे पालिका प्रशासनाकडून सांगण्यात आले.





