Happy New Year 2026: जगभरात वर्ष २०२६ चे उत्साहात स्वागत करण्यात आले असून, न्यूझीलंड हा नवीन वर्षाचे स्वागत करणारा जगातील दुसरा देश ठरला आहे. ऑकलंडमधील प्रसिद्ध ‘स्काई टॉवर’वर ३,५०० पेक्षा अधिक शोभेच्या दारूची नयनरम्य आतिशबाजी करण्यात आली. हे विलोभनीय दृश्य पाहण्यासाठी स्थानिक नागरिकांसह हजारो विदेशी पर्यटकांनी मोठी गर्दी केली होती. किरिबातीमध्ये सर्वप्रथम जल्लोष प्रशांत महासागरातील किरिबाती (किरीतिमाती बेट) हा २०२६ चे स्वागत करणारा जगातील पहिला देश ठरला आहे. भारतीय वेळेनुसार दुपारी ३:३० वाजता तिथे नवीन वर्षाची सुरुवात झाली. यानंतर बरोबर एका तासाने म्हणजेच ४:३० वाजता न्यूझीलंडमध्ये जल्लोष सुरू झाला. न्यूझीलंडमधील २४० मीटर उंच स्काई टॉवरवरून करण्यात आलेल्या काउंटडाउनला उपस्थितांनी मोठा प्रतिसाद दिला. कोठे कधी होणार आगमन? वेळेतील फरकानुसार, ऑस्ट्रेलियामध्ये संध्याकाळी ६:३० वाजता, तर जपान आणि दक्षिण कोरियामध्ये रात्री ८:३० वाजता नवीन वर्षाचे आगमन झाले. भारतात आज रात्री ठीक १२ वाजता २०२६ चे स्वागत केले जाईल. रशिया आणि युरोपातील देशांमध्ये पहाटेच्या सुमारास, तर अमेरिकेच्या पूर्व किनारपट्टीवर उद्या सकाळी १०:३० वाजता नवीन वर्षाची पहिली पहाट होईल.
