2025 Honda Shine 100 | होंडा इंडियाने भारतीय बाजारात Shine 100 चे नवीन मॉडेल लाँच केले आहे. कंपनीने अगदी कमी किंमतीत येणाऱ्या 2025 शाइन 100 बाइकला लाँच केले आहे. या बाइकची किंमत फक्त 68,767 रुपये (एक्स-शोरूम) आहे. जुन्या मॉडेलच्या तुलनेत गाडीची किंमत थोडी जास्त आहे.

नवीन 20205 Shine 100  मध्ये OBD2B मानक इंजिन देण्यात आले आहे. याशिवाय, नवीन ग्राफिक्स देखील दिले आहेत, ज्यामुळे गाडी अधिकच आकर्षक दिसते. नवीन 20205 Shine 100  विषयी सविस्तर जाणून घेऊयात.

2025 Shine 100  ची वैशिष्ट्ये

2025 Shine 100 बाइकमध्ये OBD2B मानक इंजिन देण्यात आले आहे. हे नवीन उत्सर्जन नियमांचे पालन करण्यासाठी डिझाइन केलेले आहेत. यात 100 सीसी सिंगल-सिलेंडर एअर-कूल्ड इंजिन दिले असून, हे 7.61bhp पॉवर आणि 8.05Nm टॉर्क जनरेट करण्यास सक्षम आहे. इंजिन 4-स्पीड गिअरबॉक्ससह येते.

बाइकमध्ये नवीन स्टिकर्स आणि ग्राफिक्स देण्यात आले आहेत. ज्यामुळे जुन्या मॉडेलच्या तुलनेत नवीन बाइक थोडी वेगळी दिसते. नवीन शाइनमध्ये हॅलोजन हेडलाइट आणि बल्ब टर्न इंडिकेटर, ट्विन-पॉड इन्स्ट्रुमेंट कन्सोल, सुरक्षेसाठी साइड-स्टँड सेन्सर दिले आहेत. याशिवाय, कंबाइंड ब्रेकिंग सिस्टम (CBS) मिळते.

कंपनीने 2025 Shine 100 ला केवळ एकाच व्हेरिएंटमध्ये लाँच केले आहे. या बाइकला 5 वेगवेगळ्या रंगात खरेदी करण्याचा पर्याय उपलब्ध आहे. बाइकचे बुकिंग सुरू झाले असून, डिलिव्हरी एप्रिल 2025 च्या पहिल्या आठवड्यापासून सुरू होईल.

या बाइकला तुम्ही फक्त 68,767 रुपये (एक्स-शोरूम) किंमतीत खरेदी करू शकता. भारतीय बाजारात ही बाइक Hero Splendor आणि TVS Radeon ला टक्कर देईल.