मुंबई – उद्योगपती ललित मोदी यांनी काही आठवड्यांपूर्वीच बॉलिवूड अभिनेत्री सुष्मिता सेनसोबतच्या नात्याची घोषणा केली होती. माजी आयपीएल चेअरमन ललित मोदी यांनी सोशल मीडियावर सुष्मितासोबतचे फोटो शेअर केले होते. यासोबतच ललितने इंस्टाग्रामवर त्याच्या प्रोफाईल फोटोमध्ये सुष्मिता सेनसोबतचा फोटो टाकला होता. मात्र आता ललित आणि सुष्मिता सेनचे ब्रेकअप झाल्याची बातमी समोर येत आहे. वास्तविक, आता ललित मोदींनी त्यांच्या सोशल मीडियाच्या डीपी आणि बायोमध्ये काही बदल केले आहेत. ललित मोदींनी सुष्मिताचे नाव काढून टाकले ललित मोदी यांनी 15 जुलैच्या सुमारास इन्स्टाग्रामवरील प्रोफाइल पिक्चर बदलला. या फोटोमध्ये ते सुष्मिता सेनसोबत दिसत आहे. यासोबत बायोमध्ये लिहीले होते की, मी शेवटी क्राईम पार्टनरसोबत नवीन आयुष्य सुरू करत आहे. माझी लव्ह सुष्मिता सेन.’ मात्र, आता मोदींच्या नव्या प्रोफाइल आणि बायोमध्ये सुष्मिताचा उल्लेख नाही. त्याच्या प्रोफाइल पिक्चरमध्ये राष्ट्रध्वज आहे आणि त्याच्या बायोमध्ये फक्त आयपीएलच्या संस्थापकाचा उल्लेख आहे. हे पाहून युजर्स दोघांचे नाते तुटल्याचा अंदाज लावत आहेत. मात्र, सुष्मिता आणि ललित यांनी अद्याप याबाबत कोणतेही अधिकृत वक्तव्य दिलेले नाही. मात्र, ललित मोदींनी सुष्मितासोबत पोस्ट केलेले फोटो हटवलेले नाहीत. सुष्मिता सेन नुकतीच पार्टीमध्ये एक्स बॉयफ्रेंड रोहमन शॉलसोबत दिसली. अलीकडेच, रोहमन सुष्मिताच्या मुलीच्या वाढदिवसाच्या सेलिब्रेशनमध्ये स्पॉट झाला होता. त्याचवेळी काही दिवसांपूर्वी सुष्मिताच्या आईच्या वाढदिवसालाही तो दिसला होता. ललित मोदी आणि सुष्मिताच्या ब्रेकअपचे सर्वात मोठे कारण तिचा एक्स बॉयफ्रेंड रोहमन शॉल सांगितले जात आहे. रोहमन व्यतिरिक्त सुष्मिताचे नाव विक्रम भट्ट, रणदीप हुड्डा, वसीम अक्रम, संजय नारंग, बंटी सजदेह यांसारख्या अनेक लोकांशी जोडले गेले आहे.
