Hair Color Without Dye : केस पांढरे होणे ही आज अनेकांची समस्या बनली आहे. केमिकलयुक्त हेअर डाय वापरण्याऐवजी तुम्हाला नैसर्गिक पद्धतीने केस काळे करायचे असतील, तर स्वयंपाकघरात सहज मिळणारी हळद उपयोगी ठरू शकते. हळदीतील अँटीऑक्सिडंट्स आणि जीवनसत्त्वे केसांचे आरोग्य सुधारण्यास मदत करतात. केसांसाठी हळद का फायदेशीर? हळद केवळ आरोग्यासाठीच नव्हे, तर केसांच्या मुळांना पोषण देण्यासाठीही उपयुक्त आहे. नियमित वापर केल्यास केसांचा नैसर्गिक रंग टिकवण्यास मदत होते आणि केस मजबूत होतात. या उपायासाठी लागणारी सामग्री 2 चमचे हळद 1 चमचा चहापत्ती 2 चमचे कोरफड जेल 1 चमचा मेहंदी 1 व्हिटॅमिन E कॅप्सूल पाणी (आवश्यकतेनुसार) वापरण्याची सोपी पद्धत 1. प्रथम एका कढईत 2 चमचे हळद घालून मंद आचेवर हलकेसे भाजा. हळद जळू देऊ नका. 2. दुसऱ्या भांड्यात 1 कप पाण्यात चहापत्ती उकळा. 3. या चहाच्या पाण्यात भाजलेली हळद घाला. 4. त्यात 2 चमचे कोरफड जेल मिसळा. 5. व्हिटॅमिन E कॅप्सूल फोडून त्यातील तेल घाला. 6. शेवटी 1–2 चमचे ताजी, हिरवी मेहंदी मिसळा आणि चांगली पेस्ट तयार करा. 7. ही पेस्ट केसांवर आणि मुळांवर नीट लावा. 8. केस शॉवर कॅपने झाका. 9. 1 ते 2 तासांनी साध्या पाण्याने केस धुवा. किती वेळा वापरावा? हा उपाय आठवड्यातून एकदा करा. नियमित वापर केल्यास पांढरे केस हळूहळू काळे होण्यास मदत होते आणि केस अधिक निरोगी दिसतात. हा घरगुती उपाय आहे. केसांची त्वचा संवेदनशील असल्यास वापरण्यापूर्वी पॅच टेस्ट करावी.
