Dark circles: डोळ्याखालील काळी वर्तुळे म्हणजेच डार्क सर्कल्स ही आजकाल अनेकांची सामान्य समस्या बनली आहे. बहुतेक लोक यामागे फक्त झोपेची कमतरता किंवा थकवा हेच कारण मानतात. मात्र आरोग्य तज्ञांच्या मते, डार्क सर्कल्स होण्यामागे अनेक इतर कारणेदेखील असू शकतात. त्यामुळे यावर योग्य उपाय करायचा असेल तर आधी त्यामागील खरे कारण समजून घेणे महत्त्वाचे आहे. (Dark circles) सर्वात पहिले कारण म्हणजे आनुवंशिकता (जेनेटिक्स). जर तुमच्या आई-वडिलांना डोळ्याखाली काळी वर्तुळे असतील, तर ती समस्या तुमच्यातही दिसू शकते. अशा वेळी डोळ्यांखालची त्वचा नैसर्गिकरित्या पातळ असते. त्यामुळे त्वचेखालील रक्तवाहिन्या जास्त स्पष्ट दिसतात आणि त्वचा काळी दिसू लागते. Dark circles दुसरे महत्त्वाचे कारण म्हणजे वाढते वय. वयानुसार त्वचा तिची लवचिकता आणि कोलेजन गमावते. त्यामुळे त्वचा अधिक पातळ आणि सैल होते. यामुळे डोळ्याखालील भाग खोल गेलेला आणि काळवंडलेला दिसतो. काही वेळा शरीरातील चरबी कमी होणे किंवा द्रव साठणे यामुळेही सूज येऊन काळी वर्तुळे अधिक दिसू लागतात. तिसरे कारण म्हणजे अॅलर्जी आणि डोळे चोळण्याची सवय. काही लोकांना अॅलर्जिक समस्या असतात, जसे की अॅलर्जिक राइनायटिस. अशा वेळी डोळ्यांना खाज येते आणि लोक वारंवार डोळे चोळतात. डोळ्यांभोवतीची त्वचा अतिशय नाजूक असते. त्यामुळे वारंवार चोळल्याने त्वचेवर ताण येतो, सूज वाढते आणि काळी वर्तुळे अधिक गडद दिसू लागतात. (Dark circles) Dark circles: डार्क सर्कल्सची खरी कारणे उघड! झोपेव्यतिरिक्त या ५ गोष्टींमुळे वाढते समस्या चौथे कारण म्हणजे शरीरातील पाण्याची कमतरता म्हणजेच डिहायड्रेशन. जेव्हा शरीरात पुरेसे पाणी नसते, तेव्हा त्वचा कोरडी आणि निस्तेज दिसते. विशेषतः डोळ्याखालील भाग खोल गेलेला दिसतो. यासोबतच अयोग्य आहारदेखील कारणीभूत ठरतो. जास्त मीठ खाल्ल्याने शरीरात पाणी साठते आणि डोळ्याखाली सूज येते, ज्यामुळे डार्क सर्कल्स अधिक स्पष्ट होतात. ( Dark circles) पाचवे आणि महत्त्वाचे कारण म्हणजे लाइफस्टाइल. आजकाल वाढलेला स्क्रीन टाइम, मोबाईल आणि लॅपटॉपचा जास्त वापर यामुळे डोळ्यांवर ताण येतो. तसेच धूम्रपान आणि मद्यपान यामुळे त्वचेचे नुकसान होते आणि अकाली वृद्धत्वाची चिन्हे दिसू लागतात. यामुळे डोळ्याखालील त्वचा काळी पडते. याशिवाय जास्त वेळ उन्हात राहिल्यानेही डोळ्यांभोवतीची त्वचा काळी पडू शकते. कारण सूर्यप्रकाशामुळे मेलेनिनचे प्रमाण वाढते, ज्यामुळे त्वचा गडद दिसते. म्हणूनच डार्क सर्कल्स टाळण्यासाठी नियमित झोप, भरपूर पाणी पिणे, संतुलित आहार, स्क्रीन टाइम कमी ठेवणे आणि योग्य त्वचा काळजी घेणे आवश्यक आहे. योग्य सवयी अंगीकारल्यास ही समस्या मोठ्या प्रमाणात कमी होऊ शकते. (Dark circles)
