Rohini Khadse on Chitra Wagh | विधिमंडळात दिशा सालियान मुद्द्यावरून भाजप नेत्या आमदार चित्रा वाघ आणि अनिल परब यांच्यात जोरदार खडाजंगी झाली होती. यावेळी चित्रा वाघ यांनी, परब यांना ‘मी तुमच्या सारखे 56 पायाला बांधून फिरते’, असं म्हंटले होते. यावरून त्यांच्यावर विरोधी पक्षाकडून सडकून टीका होत आहे. यातच आता राष्ट्रवादी काँग्रेस पार्टी शरदचंद्र पवार पक्षाच्या महिला प्रदेशाध्यक्षा रोहिणी खडसे यांनी आमदार चित्रा वाघ यांना सुनावले आहे.
रोहिणी खडसे ट्वीट
“माझ्या वडिलांचं नाव घेऊन बोलण्याआधी त्यांच्या गेल्या ४० वर्षांच्या राजकीय कारकीर्दीची तरी माहिती घ्यावी ! ते कोण आहेत, भाजप या पक्षासाठी त्यांचं योगदान काय… याची माहिती कृपा करून तुमच्या वरिष्ठ नेत्यांकडून जाणून घ्यावी आणि मग बोलावं. तुम्ही ज्या पक्षाकडून विधान परिषदेच्या सदस्या झाला आहात त्या पक्षाला शून्यातून एका वटवृक्षात रुपांतर करण्यात, वाढवण्यात ज्या ठराविक लोकांची नावे घेतली जातात, त्यात माझ्या वडिलांचे नाव अग्रक्रमाने येते,” असे रोहिणी खडसे यांनी ट्वीट करत म्हंटले. Rohini Khadse on Chitra Wagh |
माझ्या वडिलांचं नाव घेऊन बोलण्याआधी त्यांच्या गेल्या ४० वर्षांच्या राजकीय कारकीर्दीची तरी माहिती घ्यावी ! ते कोण आहेत, भाजप या पक्षासाठी त्यांचं योगदान काय… याची माहिती कृपा करून तुमच्या वरिष्ठ नेत्यांकडून जाणून घ्यावी आणि मग बोलावं…
तुम्ही ज्या पक्षाकडून विधान परिषदेच्या…
— Adv Rohini Eknathrao Khadse (@Rohini_khadse) March 22, 2025
कुणाबाबत बोलतो हे लक्षात घेऊन बोला…
“चार पक्ष फिरून येऊन तुम्ही आरामात ज्या पक्षाच्या विधान परिषदेची जागा मिळवलीय ना आणि भाजपसारख्या भल्या मोठ्या वटवृक्षाच्या सावलीत आरामात बसलात ना, त्यात माझ्या वडिलांचे कष्ट आहेत. विचारा तुमच्या वरिष्ठांना… शेतकरी, दुर्लक्षित घटक, ओबीसी बांधव आणि शेवटच्या घटकापर्यंतच्या माणसाला न्याय देण्याचा प्रयत्न करत ते इथवर आलेले आहेत आणि लोकांच्या प्रश्नांना वाचा फोडण्याचा प्रवास आजतागायत सुरूच आहे. यात कधी त्यांनी आकांडतांडव करून प्रसिद्धी मिळवली नाही, त्यामुळे आपण कुणाबाबत बोलतो हे लक्षात घेऊन बोला… उगाचच उचलली जीभ लावली टाळ्याला नको,” असे रोहिणी खडसे यांनी आमदार चित्रा वाघ यांना सुनावले. Rohini Khadse on Chitra Wagh |
हेही वाचा:
