Women’s T20 World Cup 2024 (IND vs SL, Score Update) : महिला टी-20 विश्वचषकातील महत्त्वाच्या सामन्यात टीम इंडियासमोर श्रीलंकेचे आव्हान आहे. या सामन्यात श्रीलंकेविरुद्ध विजय मिळवून टीम इंडियाचे उपांत्य फेरीसाठी आपले स्थान मजबूत करण्याचे लक्ष्य आहे.
अशा या सामन्यात नाणेफेक जिंकून प्रथम फलंदाजीला आलेल्या टीम इंडियाने 20 षटकांत 3 गडी बाद 172 धावा केल्या असून चमारी अटापट्टूच्या नेतृत्वाखालील श्रीलंकेसमोर 173 धावांचे लक्ष्य ठेवलं आहे. भारतीय सलामीवीर स्मृती मानधना आणि शेफाली वर्मा यांनी शानदार सुरुवात केली. भारताच्या दोन्ही सलामीवीरांनी 12.4 षटकात 98 धावा जोडल्या. मात्र, यानंतर स्मृती मानधना आणि शेफाली वर्मा ठराविक अंतरानं माघारी परतल्या. सलामीवीर स्मृती मानधनाने 38 चेंडूत चार चौकार अन् 1 षटकारासह सर्वाधिक 50 धावांची खेळी केली तर शेफाली वर्माने 40 चेंडूत चार चौकारासह 43 धावांचे योगदान दिले.
#TeamIndia post 172/3 in the first innings 🔥🔥
Half-centuries from Captain Harmanpreet Kaur & Vice-Captain Smriti Mandhana! 🫡
43 from Shafali Verma 👌
2nd innings coming up ⏳
📸: ICC
Scorecard ▶️ https://t.co/4CwKjmWL30#T20WorldCup | #INDvSL | #WomenInBlue pic.twitter.com/WJH1mqDGh7
— BCCI Women (@BCCIWomen) October 9, 2024
यानंतर भारतीय कर्णधार हरमनप्रीत कौर आणि जेमिमाह रॉड्रिग्सने वेगाने धावा केल्या. जेमिमाह रॉड्रिग्ज 10 चेंडूत 16 धावा करत बाद झाली. दोघींमध्ये तिसऱ्या विकेटसाठी 30 धावांची भागीदारी झाली. त्यानंतरही हरमनप्रीतने फटकेबाजी सुरूच ठेवली आणि ऋचा घोष सोबत 22 चेंडूत 44 धावांची नाबाद भागीदारी करत संघाची धावसंख्या निर्धारित षटकातं 172 पर्यंत नेली. भारताकडून यादरम्यान कर्णधार हरमनप्रीत कौरने तुफानी खेळी केली. भारतीय कर्णधाराने 27 चेंडूत नाबाद 52 धावा केल्या. तिने आपल्या खेळीत 8 चौकार आणि 1 षटकार लगावले. त्याचवेळी ऋचा घोष 6 चेंडूत 6 धावा केल्यानंतर नाबाद राहिली, पण तिने आपल्या कर्णधाराला चांगली साथ दिली.
श्रीलंकेकडून चमारी अटापट्टू आणि आना कांचना यांनी 1-1 बळी घेतला. यासाठी चमारीनं 4 षटकात 34 तर कांचना हिने 3 षटकात 29 धावा खर्च केल्या. मात्र याशिवाय इतर गोलंदाजांना यश मिळाले नाही. उदेशिका प्रबोधनी महागडी गोलंदाज ठरली तिने 3 षटकात 32 धावा दिल्या.
