Allu Arjun | ‘पुष्पा 2: द रुल’ हा चित्रपट 5 डिसेंबर रोजी रिलीज झाला आहे. या चित्रपटाच्या निमित्ताने अल्लू अर्जुनच्या सिनेमाची चाहत्यांमध्ये प्रचंड क्रेझ दिसून आली. मात्र या चित्रपटाच्या प्रीमिअर शो दरम्यान एक दुर्दैवी घटना घडली होती. हैदराबादमधील संध्या सिनेमाबाहेर चेंगराचेंगरी होऊन महिलेचा मृत्यू झाला. या घटनेत या महिलाचा 9 वर्षांचा मुलगाही जखमी झाला आहे. या घटनेच्या सर्वत्र चर्चा सुरू असताना यावर आता अभिनेता अल्लू अर्जुनने प्रतिक्रिया दिली आहे.
Deeply heartbroken by the tragic incident at Sandhya Theatre. My heartfelt condolences go out to the grieving family during this unimaginably difficult time. I want to assure them they are not alone in this pain and will meet the family personally. While respecting their need for… pic.twitter.com/g3CSQftucz
— Allu Arjun (@alluarjun) December 6, 2024
अल्लू अर्जूनने या घटनेवर दु:ख व्यक्त करत मृत महिलेच्या कुटुंबाला 25 लाख रुपयांची आर्थिक मदत देण्याची घोषणा केली आहे. अल्लू अर्जूनने एक व्हिडीओ शेअर करत सांगितलं की, ‘जेव्हा या घटनेची माहिती मिळाली तेव्हा मी आणि ‘पुष्पा 2′ ची संपूर्ण टीम मानसिकरित्या खूप अस्वस्थ झाली होती. माझ्या 20 वर्षांच्या कारकिर्दीत असा कोणताही अपघात घडला नाही, पण संध्या थिएटरच्या बाहेर पुष्पा 2 चित्रपटाच्या प्रीमियरमध्ये एका महिलेचा मृत्यू आणि एका मुलाला झालेल्या दुखापतीबद्दल मला खूप दुःख झालं आहे.’
अल्लू अर्जुनने लोकांना केले आवाहन
या व्हिडीओमध्ये अल्लू अर्जुनने मृत महिलेच्या कुटुंबाला 25 लाख रुपयांची आर्थिक मदत आणि मुलाच्या उपचाराचा संपूर्ण खर्च उचलण्याची घोषणा केली आहे. याशिवाय अल्लू अर्जुनने लोकांना आवाहन केलं आहे की, जेव्हा ते थिएटरमध्ये चित्रपट पाहायला जातात, तेव्हा त्यांनी स्वतःची आणि त्यांच्या कुटुंबाची पूर्ण काळजी घ्यावी आणि सर्व खबरदारी घेऊन सुरक्षितपणे घरी परतावं. याशिवाय त्याने पीडित कुटुंबाला लवकरच भेटणार असल्याचंही सांगितलं आहे.
अल्लू अर्जुनसह इतर अनेकांविरुद्ध गुन्हा दाखल
दरम्यान, हैदराबाद पोलिसांनी अभिनेता अल्लू अर्जुन आणि इतर अनेकांविरुद्ध संध्या थिएटरबाहेर झालेल्या चेंगराचेंगरीच्या संदर्भात गुन्हा दाखल केला आहे. अल्लू अर्जून पुष्पा 2 : द चित्रपटाच्या प्रीमियर शोसाठी कोणतीही पूर्वसूचना न देता पोहोचला होता. यावेळी त्याला पाहण्यासाठी चाहत्यांमध्ये धक्काबुक्की झाली, यातून पुढे चेंगराचेंगरी होऊन दुर्घटना घडली. साऊथ अभिनेता अल्लू अर्जुनवर बीएनएस कायद्याच्या कलम 105, 188 अंतर्गत गुन्हा दाखल करण्यात आला आहे.
हेही वाचा:
