BTS हा के-पॉप ग्रुप सध्या मोठ्या प्रमाणात चर्चेत आहे. दक्षिण कोरियाच्या या ग्रुपचे फॅन्स संपूर्ण जगभरात आहेत. त्यांच्या एका झलकसाठी त्यांचे चाहते काहीही करायला तयार असतात. या ग्रुपला भेटण्यासाठी अलिकडेच धाराशिवच्या 3 शाळकरी मुलींनी कोरियाला जाण्यासाठी स्वतःच्याच अपहरणाचा बनाव रचला होता जो पोलिसांनी पकडला. त्यामुळे पुन्हा एकदा हे बीटीएस क्रेझ पहायला मिळाली.
काय आहे BTS Group?
BTS हा एक कोरअन के पॉप ग्रुप आहे. या ग्रुपचा फुलफॉर्म आहे Bangtan Sonyeondan. याला Beyond The Scene असंही म्हटलं जातं. या ग्रुपने जागतिक संगीत क्षेत्रात आल्यानंतर काही वर्षांत खूप मेहनतीनं अनेक विक्रम केले आणि आपले नाव कमावले. BTS ची स्थापना 13 जून 2013 रोजी दक्षिण कोरियात झाली.”BigHit Entertainment” जे आता HYBE Corporation आहे यांनी या ग्रुपची सुरुवात केली होती.
या ग्रुपमध्ये सात बॉइस आहे. या ग्रुपमध्ये RM (Kim Namjoon) हा ग्रुप लीडर आणि रॅपर आहे. Jin (Kim Seokjin): व्होकलिस्ट आहे. Suga (Min Yoongi) रॅपर आणि गीतकार आहे. J-Hope (Jung Hoseok): रॅपर, डान्सर, आणि एनर्जी पॉवरहाऊस म्हणून ओळखला जातो. Jimin (Park Jimin) व्होकलिस्ट आणि ग्रेसफुल डान्सर आहे. V (Kim Taehyung) व्होकलिस्ट आणि मल्टी-टॅलेंटेड आहे. Jungkook (Jeon Jungkook) ग्रुपचा Golden Maknae आहे. तो मल्टिटास्कर आहे.
या ग्रुपच्या गाण्यांमधून सेल्फ लव्ह, मानसिक आरोग्य आणि समाजाकडून असणारा दबाव यावर आवाज उठवण्यात आला आहे. त्यामुळे लोकांना ही गाणी आपल्याशी निगडित वाटतात आणि त्यांना ती आवडतात. BTS हा जगातील सर्वाधिक लोकप्रिय के-पॉप ग्रुप आहे. त्यांनी अनेक राष्ट्रीय आणि आंतरराष्ट्रीय पुरस्कार जिंकले आहेत.
