भारताचा दक्षिण आफ्रिकेला व्हाईटवॉश

Harmanpreet Kaur, Captain of Supernovas plays a shot during the final of the Women's T20 Challenge, 2019 between the Supernovas and Velocity held at the Sawai Mansingh Stadium in Jaipur on the 11th May 2019 Photo by: Faheem Hussain /SPORTZPICS for BCCI

 वडोदरा: भारताच्या महिला क्रिकेट संघाने पाहुण्या दक्षिण आफ्रिका संघाला आज झालेल्या तिसऱ्या एकदिवसीय सामन्यात पराभूत करत व्हाईटवॉश दिला.

प्रथम फलंदाजी करताना भारताचा डाव 146 धावांत संपुष्टात आला. या नीचांकी धावसंख्येच्या सामन्यात दक्षिण आफ्रिकेने देखील चांगलीच लढत दिली. मात्र एकता बिश्‍त, दिप्ती शर्मा आणि राजेश्‍वरी गायकवाड यांच्या फिरकी गोलंदाजीच्या जाळ्यात पाहुण्या संघाच्या फलंदाजांना अडकविण्यात भारताला यश मिळाले व अवघ्या सहा धावांच्या फरकाने भारताने या सामन्यासह मालिका देखील जिंकली.

एकताने 3 तर दिप्ती व राजेश्‍वरी यांनी प्रत्येकी 2 गडी बाद केले. दक्षिण आफ्रिकेला यापूर्वी झालेल्या टी-20 च्या सहा सामन्यांच्या मालिकेत देखील पराभवाचा सामना करावा लागला. एकवेळ 5 बाद 55 अशी स्थिती असताना कर्णधार हरमनप्रीत कौर आणि शिखा पांडे यांनी जबाबदारीने फलंदाजी करत संघाचा डाव सावरला.

या दोघींनी संघाला किमान लढत देण्याइतकी धावसंख्या उभारली. खेळपट्टीची साथ फिरकी गोलंदाजांना मिळेल हा हरमनप्रीत कौरचा अंदाज खरा ठरला. दक्षिण आफ्रिका संघाला भारताच्या फिरकी गोलंदाजांनी महत्त्वाच्या क्षणी बळी मिळविले आणि संघाला एक अविश्‍वसनीय विजय मिळवून दिला.

Ads

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)