बॉलिवूडचे प्रसिद्ध अभिनेते इरफान खान यांचे वयाच्या 54 व्या वर्षी निधन झाले. इरफानयांना न्यूरोएंडोक्राइन ट्यूमरचा आजार होता. मुंबईतील कोकिलाबेन धीरूभाई अंबानी रुग्णालयात त्यांनी अखेरचा श्वास घेतला. इरफान यांचं निधन होऊन आता बरच काळ लोटला आहे. मात्र, आजही त्यांच्या आठवणींमध्ये अनेकांच्या डोळ्याच्या कडा ओल्या होतात.
दरम्यान, असाच एक डोळ्यात पाणी आणणारा इरफान यांचा एक व्हिडिओ सोशल मीडियावर व्हायरल झाला आहे. इरफानच्या मुलाने म्हणजेच बाबिल खान याने हा व्हिडिओ शेअर केला आहे.
https://www.instagram.com/p/CGpDnV5Aoqc/?utm_source=ig_web_copy_link
व्हायरल होत असलेल्या व्हिडीओमध्ये इरफान त्याच्या पत्नीसाठी सुतापासाठी खास गाणं म्हणताना दिसत आहे. मात्र, मध्येच तो गाण्याचे बोल विसरतो आणि मग सुतापा त्याला गाण्यांच्या ओळी सांगते, असं यात दिसून येत आहे.
लाइफ इन अ मेट्रो, पानसिंग तोमर, द लंचबॉक्स, हैदर, गुंडे, पिकू, तलवार, कारवां, हिंदी मीडियम यांसारख्या चित्रपटांमध्ये इरफान खान यांनी दमदार भूमिका साकारल्या होत्या. बॉलिवूडसोबतच त्यांनी हॉलिवूडमध्येही छाप सोडली. कलाक्षेत्रातील अभूतपूर्व कामगिरीसाठी 2011 मध्ये ‘पद्मश्री’ पुरस्कार देऊन त्यांचा गौरव करण्यात आला होता.