Instagram : सोशल मीडिया ॲप ‘Instagram’ हे आपल्या मित्र, कुटुंब आणि नातेवाईकांना जोडण्यासाठी खूप उपयुक्त आहे. आजच्या धावपळीच्या जीवनात, सोशल मीडिया ॲप ‘Instagram’च्या मदतीने, प्रत्येकजण एकमेकांच्या अपडेट ठेऊन जागरूक राहतात.
या सगळ्यामध्ये इंस्टाग्राम काही लोकांसाठी धोकादायकही ठरले आहे. गुन्हेगारी प्रवृत्तीचे लोक सोशल मीडिया अकाऊंटच्या माध्यमातून लोकांच्या हालचालींचा मागोवा घेतात असे अनेकदा दिसून आले आहे. जे खूप धोकादायक आहे. जर तुम्हालाही अशा लोकांपासून दूर राहायचे असेल तर येथे काही टिप्स आहेत ज्या तुम्ही नक्की पॉलो कराव्यात.
इंस्टाग्राम खाते खाजगी ठेवा :
इंस्टाग्रामने यूजर्सच्या सुरक्षेसाठी अनेक फीचर्स दिले आहेत, ज्यामध्ये अकाउंट प्रायव्हेट करणे देखील समाविष्ट आहे. तुम्ही हे सक्रिय केल्यावर, तुमचा अनुयायी नसलेला कोणीही तुमच्या खात्यावर पोस्ट केलेली माहिती मिळू शकते.
फेसबुक आणि इंस्टाग्राम वेगळे करा :
मेटा ही फेसबुक आणि इंस्टाग्रामची मूळ कंपनी आहे. या कारणास्तव, मेटा फेसबुक आणि इंस्टाग्रामला लिंक करण्याची परवानगी देते. तुम्ही फेसबुकवर काही पोस्ट केल्यास ते इन्स्टाग्रामवर शेअर केले जाते आणि इन्स्टाग्रामवर काही पोस्ट केले तर ते आपोआप फेसबुकवर शेअर केले जाते.
फेसबुक आणि इंस्टाग्रामवर वेगवेगळ्या सर्कलमधील लोक तुमच्यासोबत जोडले जातात, अशा परिस्थितीत तुम्ही दोन्ही अकाउंटच्या पोस्ट शेअर करण्याचा पर्याय बंद केल्यास तुमच्या ॲक्टिव्हिटीचा मागोवा घेणे कठीण होऊन बसते.
जवळच्या मित्रांची यादी बनवा :
इंस्टाग्राम तुम्हाला जवळच्या मित्रांची यादी तयार करण्यास अनुमती देते. या फीचरमध्ये, तुम्ही तुमच्या पोस्ट फक्त काही लोकांना दाखवण्यासाठी जवळच्या मित्रांची यादी तयार करू शकता, ज्यानंतर तुम्ही ओळखत नसलेले लोक तुमच्या पोस्ट आणि माहिती पाहू आणि ट्रॅक करू शकणार नाहीत.
