West Bengal Election 2026: पश्चिम बंगालच्या मुर्शिदाबादमध्ये मतदानादरम्यान हिंसाचार; अज्ञाताने फेकले देशी बॉम्ब, परिसरात तणाव
West Bengal Election 2026 : पश्चिम बंगालमधील १५२ विधानसभा मतदारसंघांमध्ये सकाळी ७ वाजल्यापासून कडक बंदोबस्तात मतदान सुरू झाले आहे.
West Bengal Election 2026: पश्चिम बंगाल विधानसभा निवडणुकीच्या पहिल्या टप्प्यातील मतदानादरम्यान मुर्शिदाबाद जिल्ह्यात मोठा गोंधळ झाला आहे. आम जनत उन्नयन पार्टीचे संस्थापक हुमायू कबीर आणि तृणमूल काँग्रेसच्या कार्यकर्त्यांमध्ये राडा झाला आहे.
त्यानंतर मुर्शिदाबाद जिल्ह्यातील नवादा भागात मतदान सुरू असताना काही अज्ञात व्यक्तींनी देसी बॉम्ब फेकले. या स्फोटामुळे परिसरात एकच खळबळ उडाली. अज्ञाताने फेकलेल्या क्रूड बॉम्बचा स्फोट होऊन अनेकजण जखमी झाले आहेत. West Bengal Election 2026
जखमींना तातडीने जवळच्या रुग्णालयात दाखल करण्यात आले आहे. जखमींची नेमकी संख्या अद्याप अधिकृतपणे स्पष्ट झालेली नाही. अचानक झालेल्या या हल्ल्यामुळे मतदारांमध्ये भीतीचे वातावरण पसरले आणि लोक जीव वाचवण्यासाठी सैरावैरा धावू लागले.
VIDEO | West Bengal Election 2026: Several people injured as unidentified people hurled crude bomb in Nowda, Murshidabad district. More details are awaited.#AssemblyPollsWithPTI#WestBengalPollsWithPTI
(Full video available on PTI Videos – https://t.co/n147TvrpG7) pic.twitter.com/W7G5A9OqR6
— Press Trust of India (@PTI_News) April 23, 2026
पश्चिम बंगालमधील १५२ विधानसभा मतदारसंघांमध्ये मतदान (West Bengal Election 2026)
पश्चिम बंगालमधील १५२ विधानसभा मतदारसंघांमध्ये सकाळी ७ वाजल्यापासून कडक बंदोबस्तात मतदान सुरू झाले आहे. उत्तर बंगालमधील दार्जिलिंग, जलपाईगुडीपासून ते दक्षिणेतील मुर्शिदाबाद, नदिया, बीरभूम आणि हुगळीपर्यंतच्या जिल्ह्यांमध्ये मतदारांच्या लांब रांगा लागल्या आहेत.
पहिल्या टप्प्यात राज्याच्या एकूण २९४ जागांपैकी निम्म्याहून अधिक जागांवर मतदान प्रक्रिया पार पडत आहे. अशातच झालेल्या या हिंसाचारामुळे प्रशासनासमोर सुरक्षेचे मोठे आव्हान उभे राहिले आहे.
हेही वाचा:
