मेषेत हर्षल, मिथुनेत रवी, शुक्र व राहू, कर्केत मंगळ व बुध, वृश्चिकेत गुरु वक्री, धनूमध्ये केतू, शनि वक्री व प्लुटो वक्री तर कुंभेत नेपच्यून आहे. वरील ग्रहमान तुम्हाला कार्यरत ठेवेल. बोलण्यापेक्षा कृतीवर भर द्यावा. कामाचा व्याप वाढेल. पैशाची तजवीज होईल. नवीन बातमी तुमचा आनंद व उत्साह द्विगुणीत करेल.
पैशाची तजवीज होईल
बोलण्यापेक्षा कृतीवर भर देऊन कामे करा. मनातील सुप्त भावना जागृत करणारे ग्रहमान आहे. त्याचा लाभ घ्या. व्यवसायात जाहिरात व प्रसिद्धी माध्यमांचा वापर करून विक्री व उलाढाल वाढवा. पैशाची तजवीज होईल. केलेल्या कामाचे श्रेय मिळेल. नोकरीत स्पर्धेत टिकून राहण्याने यश मिळेल. कामात योग्य व्यक्तींची साथ मिळेल. नवीन बातमी मन सुखावेल. आप्तेष्ट, नातेवाईक यांच्या भेटीचा योग.
शुभ दिनांक :1, 2, 3, 4, 5, 6.
अपेक्षित यश
दोन्हीकडे सारखेच लक्ष द्यावे लागेल. त्यामुळे संवेदनशील बनाल. व्यवसायात कामाचा वेग वाढवा. योग्य निर्णय घेऊन कामांना गती द्या. पैशाची चिंता नसेल. नोकरीत महत्वाची कामे स्वत: करून इतर कामे सहकाऱ्यांवर सोपवा. कामाचा झपाटा राहील.केलेल्या कामाचा आनंद मिळेल. घरात अतिविचार करू नये. महिलांनी आवडते छंद जोपासावेत. शब्दाला मान मिळेल. तरुणांना अपेक्षित यश मिळेल. शुभ दिनांक : 1, 2, 3, 4, 5, 6, 7,
लाभ होईल
परिस्थितीनुरुप सभोवतालच्या वातावरणाशी मिळते जुळते घ्या. फायदा व्हावा. व्यवसायात पूर्वी केलेल्या कामातून लाभ होईल. नवीन कामे मिळतील. कामात शिथीलता येणार नाही याची काळजी घ्या. नोकरीत वरिष्ठांच्या मर्जीत राहून कामे करा. त्यांच्या सल्ल्याचा मान राखा. घरातील इतर व्यक्तींकडून खुबीने कामे करून घेण्यासाठी खुशामत करावी लागेल. सामूहिक क्षेत्रात प्रतिष्ठा मिळेल. शुभ दिनांक : 2, 3, 4, 5, 6, 7.
विरंगुळा लाभेल
“दिसते तसे नसते’ हे लक्षात ठेवा. अतिविश्वास टाळा. व्यवसायात घाईने निर्णय घेऊ नका. पैशाचे व्यवहारात चोख राहा. मैत्री व व्यवहार यांची गल्लत करू नका. सभोवतालच्या व्यक्तींकडून नवीन अनुभव येतील. नोकरीत कामाचा ताण कमी होईल तरी आपणहून कामाची जबाबदारी स्वीकारू नका. दगदग धावपळ कमी करून विश्रांती घ्या. घरात वादविवादांवर पडदा पडेल. चांगली बातमी मन प्रसन्न करेल. शुभ दिनांक :1, 4, 5, 6, 7.
स्वास्थ्य मिळेल
आत्मविश्वासाने केलेले कार्य नेहमीच श्रेय देणार असते असा अनुभव येईल. अडीअडचणींवर मात करून नवीन कामे मिळवाल. व्यवसायात जुनी येणी वसुलीवर लक्ष केंद्रित करून पैशाची उभारणी करा. कार्यपद्धतीत बदल करून फायदा वाढवा. नोकरीत प्रशिक्षणासाठी वरिष्ठ तुमची निवड करतील. कामानिमित्ताने जादा अधिकार व सवलतीही देतील. प्रवास होईल. महिलांना खर्चावर नियंत्रण ठेवावे लागेल. शुभ दिनांक : 1, 2, 3, 6, 7.
वादाचे प्रसंग टाळा
कष्ट व प्रयत्न यांना यश मिळेल. व्यवसायात बराच काळ वाट पाहात होता ती संधी मिळेल. पैशाची तात्पुरती सोय होईल. नवीन कामामुळे हुरूप वाढेल. नोकरीत वरिष्ठ व सहकारी कामात मदत करतील. कामाची योग्य आखणी कामे वेळेत संपवायला मदत करेल. घरात प्रकृतीचे तंत्र सांभाळून कामे उरका. अपेक्षा न ठेवता कामे मार्गी लावा. वादाचे प्रसंग टाळा. विवाहोत्सुक तरुणांचे विवाहाचे योग येतील.
शुभ दिनांक : 1, 2, 3, 4, 5.
उत्साह वाढेल
व्यवसायात व्यवहाराचे भान ठेवून कृती करा. पैशाचा वायफळ खर्च टाळा. कामांना प्राधान्य देऊन मार्गी लावा. नवीन योजना हाती घेण्यापूर्वी त्यातील बारकाव्यांचा अभ्यास नीट करा. नोकरीत हट्टी स्वभाव अंगाशी येईल. रागावर नियंत्रण ठेवा. वरिष्ठांच्या मर्जीत राहून कामे करा.कामाचा दर्जा राखण्यासाठी विशेष प्रयत्न करा. घरात महिलांनी बोलण्यामुळे इतरांची मने दुखावणार नाहीत याची काळजी घ्या. शुभ दिनांक : 2, 3, 4, 5, 6, 7.
जादा कामामुळे लाभ
मिळालेल्या संधीचा लाभ घ्या. व्यवसायात ताण कमी करणारे ग्रहमान लाभेल. आर्थिक स्थिती सुधारेल. खर्चावर नियंत्रण ठेवण्यात यश मिळेल. केलेल्या कष्टाचे चीज होईल. नवीन कामे मिळतील. नोकरीत कंटाळवाण्या कामातून सुटका होईल. वरिष्ठ व सहकारी कामात मदत करतील. घरात तुमची मते इतरांवर लादू नका. महिलांना कामाची योग्य दिशा मिळेल. प्रकृती तंत्र सांभाळा. शुभ दिनांक : 1, 4, 5, 6, 7.
पाहुण्याची ये-जा
“रात्र थोडी सोंगे फार’ अशी स्थिती होईल. कामाचे योग्य नियोजन व प्रयत्न यांची सागंड घालून कामाला गती द्या. खेळत्या भांडवलाची सोय करावी लागेल. बॅंका व हितचिंतकांची मदत मिळेल. नवीन योजना, प्रकल्प हाती घ्या. नोकरीत तडजोडीचे धोरण ठेवून कामे करा. विचारल्याखेरीज सल्ले देऊ नका. दिलेला शब्द पाळा. वरिष्ठ व सहकाऱ्यांकडून फारशी अपेक्षा नको. घरात पाहुण्यांची ये-जा राहील. वायफळ खर्च टाळा शुभ दिनांक : 2, 3, 6, 7.
लाभ होईल
ध्येय धोरण आखून कामे करा. महत्वाच्या कामांना प्राधान्य द्या. इतर कामे व्यवसायात सहकाऱ्यांवर सोपवा. भविष्याची तरतूद करण्यासाठी काही ठोस पावले टाकाल.ओळखीचा उपयोग लाभ घडवून आणेल. नोकरीत योग्य व्यक्तींचा सल्ला घ्या. विचार व कृती यांची सांगड घालून कामे करा. वरिष्ठांना तुमची मते मूड बघून मांडा. लाभ होईल. घरात मुलांच्या व इतर व्यक्तींच्या सहवासात वेळ घालवाल. आप्तेष्ट नातेवाईकांच्या भेटीचे योग. शुभ दिनांक : 1, 4, 5.
रागावर नियंत्रण ठेवा
अस्थिरता कमी होईल. त्यामुळे कामातील उत्साह वाढेल. व्यवसायात रेंगाळलेली कामे मार्गी लागतील. पैशाची चणचण कमी होईल. जुनी येणी येतील. अचानक धनलाभ व्हावा. नवीन कामे हितचिंतकांच्या मदतीने मिळतील. नोकरीत कामात सतर्क रहा. कामात झालेला विलंब महागात पडेल. वरिष्ठ व सहकाऱ्यांशी सलोख्याचे संबंध ठेवा. घरात महिलांनी तारतम्य बाळगून वागावे. मनाविरुद्ध गोष्टी घडल्या तरी वाच्यता करू नका. शुभ दिनांक : 1, 2, 3, 6, 7.
प्रवास घडेल
आत्मविश्वास बाळगून धोके पत्करू नका. स्वत:चा आडमुठा स्वभाव तापदायक ठरण्याची शक्यता. व्यवसायात महत्वाचे निर्णय घेताना योग्य व्यक्तींचा सल्ला घ्या. पैशाची तजवीज होईल. नवीन कामे मिळतील नोकरीत वरिष्ठांच्या सल्ल्याप्रमाणे वागा. मनाविरुद्ध वागावे लागले तरी मत प्रदर्शित करू नका. कामानिमित्ताने प्रवास घडेल. घरात महिलांना हौसमौज करता येईल. शुभकार्य ठरेल.
शुभ दिनांक : 1, 2, 3, 4, 5.