मेषेत हर्षल, वृषभेत शुक्र, मिथुनेत रवी, बुध,मंगळ व राहू, वृश्चिकेत गुरू वक्री, धनू मध्ये शनि वक्री, प्लुटो वक्री व केतू तर कुंभेत नेप्चून आहे. महत्वाच्या ग्रहांची साथ मिळेल, कामाची योग्य आखणी करून कामे उरका. आर्थिक नियोजन योग्य प्रकारे करा. कामाचा उत्साह दांडगा राहील. वरिष्ठांच्या आज्ञांचे पालन करा. धावपळ दगदग कमी करा.
ज्येष्ठांचा सल्ला उपयोगी
रवी, बुधाची साथ मिळेल. त्यामुळे ज्या गोष्टींकडे कानाडोळा केला होता, त्या गोष्टींना प्राधान्य द्याल. व्यवसायात स्पर्धकांच्या हालचालींवर नजर ठेऊन कार्यप्रणाली आखाल. फायदा मिळवून देणारी कामे हाती घ्याल. जुनी येणी वसुलीवर लक्ष केंद्रीत कराल. नोकरीत वरिष्ठांच्या सूचनांचे पालन काटेकोरपणे करा. घरात महत्वाचे निर्णय घेतांना ज्येष्ठांचा सल्ला उपयोगी पडेल. महिलांनी विनाकारण होणारी दगदग धावपळ कमी करावी. शुभ दिनांक : 18,19,20,21,22,23.
नवीन कामे मिळतील
गुरू अनुकुल असल्याने योग्य दिशा मिळेल. व्यवसायात काहीतरी वेगळे करण्याचा मोह होईल. मोठ्या उमेदीने कामाला लागाल. नवीन कामेही मिळतील. पैशाची तजवीज झाल्याने चिंता मिटेल. नोकरीत वरिष्ठ आमिष दाखवून जादा काम करवून घेतील. अनपेक्षित लाभ होतील. प्रवासाचे योग संभवतात. मानसिक शांतता राखण्यावर भर राहील. महिलांनी वयोवृद्ध व्यक्तींची काळजी घ्यावी. तब्येत सांभाळावी. शुभ दिनांक : 17,20,21,22,23.
झेपेल तेवढे काम करा
माणसांची पारख करून संबंध ठेवा. व्यवसायात कामाचा व्याप वाढेल, परंतु तुमच्या कामाच्या वेळी कोणी मदतीला येणार नाही, त्यामुळे थोडे निराश व्हाल. झेपेल तेवढे काम करून कामाचा आनंद घ्या. पैशाची आवक चांगली राहील. नोकरीत वरिष्ठ व सहकारी आवळा देऊन, कोहळा काढणार नाहीत, याची दक्षता घ्या. तुम्ही तुमचे काम निगुतीने करा. विचारल्याखेरीज सल्ला देऊ नका. हटवादी स्वभाव बाजूला ठेऊन कामे मार्गी लावा. महिलांनी फार अपेक्षा बाळगू नये. शुभ दिनांक : 18,19,23
मनन व चिंतन करा
सभोवतालच्या व्यक्तींकडून कसे काम करून घेता यावर बरेचसे यश अवलंबून राहील. मनातील सुप्त इच्छा पूर्ण करण्याचा मानस असेल. व्यवसायात पैशाच्या कामांना प्राधान्य द्याल. खेळत्या पैशाची जुळवाजुळव करण्यात बराच वेळ खर्ची पडेल. नोकरी निमित्ताने परदेश गमन करण्याची सुसंधी मिळेल. वरिष्ठांच्या आश्वासनावर फार विसंबून राहू नका. वातावरण आनंदी राहील. महिलांना मनाजोगती कामे करता येतील.
शुभ दिनांक : 17,20,21,22.
उत्साही व आशावादी
तुमच्या अति महत्वाकांक्षेला थोडी गवसणी घालून कार्यपद्धतीप्रमाणे कामे करा. तुम्ही उत्साही व आशावादी रहाल. व्यवसायात उदभवणाऱ्या अडचणींवर समर्थपणे मात करून प्रगती कराल. सरकारी नियमांचे पालन काटेकोरपणे कराल. रेंगाळलेली कामे हाती घेऊन वेळेची कसर भरून काढाल. नोकरीत कामातील बेत गुप्त ठेवा. वरिष्ठांचे महत्व व मान राखा. प्रकृतीकडेही वेळीच लक्ष देणे भाग पडेल. महिलांनी बोलण्यावर संयम ठेवा.
शुभ दिनांक : 17,18,19,23.
कामासंबंधी गुप्तता राखा
प्रयत्नांच्या प्रमाणात यश मिळेल म्हणून प्रयत्नात कसूर करू नका. व्यवसायात स्वतःची आर्थिक कुवत ओळखून कामाची जबाबदारी स्वीकारा. नियमांच्या चौकटीत राहून कामे करा. महत्वाच्या कामांना प्राधान्य राहील. नोकरीत नवीन कामासंबंधी गुप्तता राखा. कुणावरही विसंबून राहू नका. किचकट काम संपवून मगच नवीन कामाकडे वळा. पैशाचा मोह बाळगू नका. हलक्या कामांमुळे वादविवाद होतील. तरूणांनी अति धाडस करू नये.
शुभ दिनांक : 17,18,19,20,21,22.
कामात चोखंदळ रहा
सध्या तुम्हाला बरेच काही अनुभव शिकवून जातील, त्यामुळे सतर्क बनाल. व्यवसायात नवे विचार व धोरण कृतीत आणण्याचा विचार असेल. परिस्थितीचा अंदाज घेऊन मगच कोणतेही निर्णय घ्या. पूर्वीची देणी वेळेत द्या. नोकरीत भविष्यातील योजनांची आखणी करून त्याप्रमाणे कृती करा. कामात चोखंदळ रहा. कुसंगत टाळा. गैरसमजूतीने होणारे वाद टाळा. महिलांनी आवडत्या छंदात मन रमवावे.
शुभ दिनांक : 17,18,19,20,21,22,23.
कामाचा ताण वाढेल
रवी अनुकुल झाल्याने मनोकामना पूर्ण होतील. व्यवसायात मोठे उद्दिष्ट डोळ्यासमोर असेल, त्यादृष्टीने पावले उचलाल. येणाऱ्या अडीअडचणींचा अंदाज घेऊन कामाची आखणी कराल. हितचिंतकांची मदत घेऊन रखडलेली कामे मार्गी लावाल. जुनी येणी वसुलीवर भर द्याल. नोकरीत कामाचा ताण वाढेल. किरकोळ गोष्टीत मानापमानाची भावना दूर ठेवलीत तर यशाचे प्रमाण वाढेल. घरात काही ठोस निर्णय घ्याल. शुभ दिनांक : 17,18,19,20,21,22,23.
प्रगतीचा ग्राफ उंचावेल
तुमच्या आशा आकांक्षा वाढत जातील. त्याला योग्य व्यक्तींची साथही मिळेल. कामाचा झपाटा उत्तम राहील. व्यवसायात पैशाचा अंदाज अचूक ठरेल. नवीन कामे स्वीकारण्यापूर्वी त्यातील कायदे व नियमांचा अभ्यास करणे गरजेचे होईल. प्रगतीचा ग्राफ उंचावेल. नोकरीत वरिष्ठांची मर्जी सांभाळून काम कराल. वेळ व पैसे यांचे गणित बरोबर आखून बचत कराल. महिलांना वातावरण उत्साही लाभेल. त्यामुळे कामांना जोश येईल.
शुभ दिनांक : 18,19,20,21,22,23.
बरीचशी अपेक्षा
थोडी सबुरी धरलीत तर बरेच प्रश्न सुकर होतील. व्यवसायात योग्य वेळी निष्णात व्यक्तींचा सल्ला लाभदायी ठरेल. नवीन कामे ओळखीतून मिळतील. पैशाची चिंता मिटेल. मनोकामना पूर्ण होतील. नोकरीत वरिष्ठ व सहकाऱ्यांना तुमचे महत्व कळून येईल. त्यांची तुमच्याकडून बरीचशी अपेक्षा राहील. घरात एकमेकांचे विचार समजावून घेतलेत तर सुसंवाद घडेल. महिलांना प्रियजन आप्तेष्ट यांच्या भेटीने आनंद मिळेल. शुभ दिनांक : 17,20,21,22,23.
चुका निस्तराव्या
परिस्थितीशी मिळते-जुळते घेण्यासाठी तुम्हाला धोरणात बदल करावा लागेल. व्यवसायात पूर्वी झालेल्या चुका निस्ताराव्या लागतील. त्यासाठी चाकोरीबाहेर जाऊन काही निर्णय घ्याल. कामाचे नियोजन करून त्याप्रमाणे कामे पूर्ण केलीत तर ताण जाणवणार नाही. नोकरीत स्वयंभू बना. सहकाऱ्यांवर अतिविश्वास ठेऊ नका. फुशारकी पोटी नवीन जबाबदारी स्वीकारू नका. भावनोद्रेक टाळावा. मनन व चिंतन यात वेळ घालवावा.
शुभ दिनांक : 17,18,19,23.
प्रयत्नशील रहा
आशा-निराशा असा अनुभव कामात येईल. पण तुमची इच्छाशक्ती जबरदस्त असल्याने अडथळ्यांवर मात कराल. व्यवसायात
स्पर्धेत टिकून राहण्यासाठी प्रयत्नशील रहाल. चाकोरीबाहेरच्या मार्गाचा अवलंब आवश्यक असल्यास करावे. नोकरीत नवीन हितसंबंध जोडण्यासाठी तुमचे प्रयत्न चालू राहतील. वरिष्ठ कामातील चूकांवर बोट ठेवतील त्यामुळे कामात काय सुधारणा करता येईल याचा विचार कराल. वेळ मजेत जाईल.
शुभ दिनांक : 17,18,19,21,22,23.