मेषेत हर्षल, मिथुनेत राहू व शुक्र, कर्केत मंगळ, रवी व बुध वक्री, वृश्चिकेत गुरु वक्री, धनूमध्ये केतू, शनी वक्री व प्लुटो वक्री तर कुंभेत नेप्च्यून वक्री आहे. ग्रहांची साथ मिळेल. त्यामुळे कामात यशाचे प्रमाण वाढेल. विरोधकांचा विरोध मावळेल. घरात सुवार्ता कळेल. प्रियजनांच्या भेटीने तुमचा उत्साह आनंद वाढेल. आरोग्य उत्तम राहील.
मंगलकार्य ठरेल
मंगळाची साथ राहील. अडथळ्यांची शर्यत संपून यशाकडे वाटचाल राहील. व्यवसायात विरोधकांचा विरोध मावळेल. सामंजस्याची भूमिका घेऊन प्रश्न मार्गी लागतील. नव्या योजनांना नवी दिशा मिळेल. कामाचा व्याप व विस्तार वाढवण्यावर भर राहील. नोकरीत नवीन कामाबाबत सूतोवाच होईल. वरिष्ठ त्यासाठी जादा अधिकार व सवलती देतील. स्पर्धक व हितशत्रूंपासून सावध रहा. घरात मंगलकार्य ठरेल. शुभ दिनांक :15,16, 17,18,19,20.
ग्रहांची साथ
महत्वाच्या ग्रहांची साथ मिळणार नाही. त्यामुळे थोडे निराश व्हाल परंतु थोडी सबुरी ठेवलीत तर सर्व काही ठीक होईल. व्यवसायात विनाकारण येणाऱ्या अडचणींमुळे थोडे विचारमग्न व्हाल. पण निश्चय व मेहनतीच्या जोरावर पुढे जाल. प्रत्यक्षात त्याचा लाभ होईल. नोकरीत वरिष्ठ व सहकारी तुमची परीक्षाच बघतील. त्यासाठी कष्टाची तयारी ठेवा. कामामुळे नवीन ओळखी होतील. कलाकार खेळाडूंनी सतर्क राहावे. शुभ दिनांक : 17,18,19,20, 21.
कृतीवर भर देणे
“अति परिचयात अवज्ञा’ ही म्हण लक्षात ठेवा व सभोवतालच्या व्यक्तींशी चार हात लांब राहून हितसंबंध जपा. व्यवसायात सरळ, सोप्या वाटणाऱ्या कामात अडचणी येतील. कामाला विलंब होईल. मात्र कुठल्याही गैरमार्गाचा वापर करू नका. नोकरीत कामात स्वयंभू बना. सहकारी व वरिष्ठांकडून फार अपेक्षा नको. बोलण्यापेक्षा कृतीवर भर द्या. घरात सर्वांना खुष ठेवताना थोडे जास्त पैसे खर्च होतील.
शुभ दिनांक : 15, 16, 20, 21.
दगदग होईल
माणसांचा योग्य वापर करून आपले हित साधण्यात यशस्वी व्हाल. व्यवसायात मिळालेल्या संधीचे सोने करून घ्याल. कामाची धावपळ प्रमाणाबाहेर वाढेल. नवीन कामे दृष्टीक्षेपात येतील. नोकरीत कामांना मूर्त स्वरुप देण्यासाठी नवीन व्यक्तींशी गाठभेठ होईल. कामातील बेत गुप्त ठेवा. जोडधंद्यातून विशेष लाभ होईल. घरात विविध कार्यक्रम ठरतील. त्यामुळे सर्वजण कार्यमग्न राहतील. तरुणांनी मात्र कुसंगत टाळा. शुभ दिनांक :17, 18,19.
खर्चाला आळा घाला
एकाच वेळी सतरा दगडांवर पाय ठेवण्याचा प्रयत्न राहील. पण नंतर योग्य क्रम आखून कामांना प्राधान्य द्या. व्यवसायात निष्णात व्यक्तींचा सल्ला घ्या. उद्योगात स्पर्धा तीव्रतेने जाणवेल. नोकरीत समोरच्या संधीचा पाठपुरावा घेताना चुकीच्या व्यक्तींशी संबंध जोडू नका. मिळालेल्या अधिकारांचा वापर जपून करा. घरात वाढत्या खर्चावर आळा घालण्यासाठी हौसेवर मुरड घालावी लागेल. महिलांनी अतिविचार न करता कामे पूर्ण करावीत. शुभ दिनांक : 15, 16, 20, 21.
पैसे खर्च होतील
घर व व्यवसाय दोन्हीकडे सारखेच लक्ष द्यावे लागेल. व्यवसायात कामाचा वेग उत्तम राहील. महत्वाच्या कामांना चालना द्या. तसेच जुनी वसुली गोड बोलून करून घेण्यात यशस्वी व्हाल. नोकरीत कामाचा व्याप वाढेल. त्यामुळे मधेच विश्रांती घ्यावीशी वाटेल. छोटीशी सहल किंवा फेरफटका मारून या घरात पूर्वी ठरलेले समारंभ पार पडतील. गृहसजावटीसाठी पैसे खर्च होतील. मात्र त्यातूनही आनंद मिळेल.
शुभ दिनांक : 15, 16, 17, 18, 19.
पैशाची तात्पुरती सोय
पैशाची उब मिळवण्यासाठी तुम्ही विशेष प्रयत्न कराल. या सप्ताहात प्रगतीचा वेग वाढवण्यासाठी साहसी कल्पना प्रत्यक्षात आणाल. योग्य व्यक्तीची मिळालेली मदत तुम्हाला कामे मार्गी लावताना उपयोगी पडेल. नोकरीत नवीन पद्धतीच्या कामासाठी वरिष्ठ तुमची निवड करतील. मात्र कामे पुढे ढकलण्याकडे तुमचा कल राहील. पैशाची तात्पुरती सोय होईल. घरात लवचिक धोरण ठेवलेत तर वातावरण आनंदी राहील.
शुभ दिनांक : 15, 16, 17, 18, 19.
व्यवसायात प्रगती
आर्थिक घडी बसवण्याकडे विशेष लक्ष द्याल. व्यवसायात प्रगती चांगली होईल. नवीन योजना प्रत्यक्षात साकार होतील. योग्य माणसांची साथ मिळेल. आर्थिक स्थिती समाधान देणारी राहील. नोकरीत वरिष्ठ व सहकारी तुमच्या मतांचा विचार करतील व त्याप्रमाणे कृतीही कराल. जोडधंद्यातून चांगली कमाई होईल. घरात हौसमौज कुटुंबासमवेत साजरी कराल. तरुणांचे विवाह ठरतील. शुभ दिनांक :15, 16, 17, 18, 19, 20, 21.
मनावर संयम ठेवा
ग्रहांची साथ राहील. त्यामुळे आकाश ठेंगणे वाटायला लागेल. मात्र पाय जमिनीवर ठेवून उभे राहा. व्यवसायात यशाची धुंदी चढू देऊ नका. कामात होणारा विलंब तुम्हाला सहन होणार नाही. महत्वाचे निर्णय घ्याल व प्रश्न निकालात काढाल. नोकरीत बदल किंवा बदली होण्याची शक्यता आहे. अधिकार, आर्थिक फायद्यात वाढ होईल. सहकारी कामात मदत करतील. सामंजस्याने वागून शांतता राखा.
शुभ दिनांक : 8,9,10,11, 12.
गैरफायदा नको
पैशाचे व्यवहारात चोख राहून कामे पूर्ण करण्याकडे राहील. व्यवसायात तातडीची कामे आधी पूर्ण कराल. कामासाठी योग्य व्यक्तींची केलेली निवड त्यावर तुमचे यश अवलंबून राहील. तुमचे इरादे मोठे असल्याने आवश्यक भांडवल व मदतीची गरज भासेल. नोकरीत कामानिमित्ताने थोड्या सवलती मिळतील व अधिकारही मिळतील. त्याचा गैरफायदा घेऊ नका. चुकीच्या व्यक्तींशी हातमिळवणी टाळा.
शुभ दिनांक : 17, 18, 19, 20, 21 .
दगदग वाढेल
माणसांची पारख योग्य प्रकारे करू शकलात तर यशाची मजा चाखता येईल. व्यवसायात प्राप्ती चांगली राहील. तसेच नवीन कामेही मिळतील. कामामुळे दगदग धावपळ वाढेल. नोकरीत जबाबदाऱ्या वाढतील. वरिष्ठांची मर्जी तुमच्यावर असेल. घरात तरुणांना नवीन सहवासाचे आकर्षण वाटेल. महिलांना कोणाच्यातरी नैतिक अधिकाराची गरज भासेल. कलाकार, खेळाडूंना स्पर्धेत टिकण्यासाठी जादा परिश्रम करावे लागतील.शुभ दिनांक : 15, 16, 20, 21.
कौटुंबिक स्वास्थ्य
प्रगतीचा आलेख चढता राहील. त्यामुळे नवीन पर्वाची ही नांदी ठरेल. व्यवसायात आव्हानात्मक कामे स्वीकाराल. नवीन व्यक्तींशी संपर्क होईल. मात्र त्यांची विश्वासार्हता पडताळून पहा. नोकरीत मिळालेल्या संधीचा फायदा घेण्यासाठी सज्ज व्हाल. नवीन सुविधांकरिता तुमची निवड होईल. त्यामुळे सहकाऱ्यांना तुमची असूया वाटेल. घरात तुम्हाला व तुमच्या शब्दाला मान मिळेल. कौटुंबिक स्वास्थ्य उपभोगता येईल.
शुभ दिनांक : 15, 16, 17, 18, 19.