प्र.- आपल्या कुटुंबाचा विचार करता आपणास किती बीएचके घराची गरज आहे? कुटुंबातील प्रत्येक व्यक्ती घरातल्या कोणत्या भागात सर्वात जास्त वेळ व्यतीत करतो? त्याप्रमाणे घरातील कोणते भाग मोठे असले पाहिजे व कोणते भाग जरी थोडेफार छोटे असले तरी भागवता येईल? वरील बाबींचा समन्वय साधताना आपल्याला किती चटई क्षेत्राचे घर उपयुक्त ठरेल? जे काय चटई क्षेत्राचे घर निश्चित करू, त्याची 100% उपभोग्यता मिळेल का?
उ.- जर व्यक्तीचे नुकतेच लग्न झाले आहे व फक्त गृहस्थ जोडपेच या घरात राहणार आहे तर प्रथम घर म्हणून त्यांना 1 बीएचके फ्लॅट पुरेसा ठरू शकतो. तसेच, जर गृहस्थाला एखादे बाळ असेल व सोबत अजून एखादे जोडपे राहायला असेल तर त्याने प्रथम घर म्हणून 2 बीएचके घराचा विचार करणे योग्य ठरेल. सर्वसाधारणपणे असे असते की, कुटुंबातील महिला दिवसातील अधिक वेळ किचनमध्ये व्यतीत करते व पुरुष सुट्टीच्या दिवशी अधिक वेळ हॉलमध्ये व्यतीत करतो. दिवसातील सर्वात क्षुल्लक वेळ बाथरुमसारख्या ठिकाणी व्यतीत होतो.
बेडरुम व टेरेस या ठिकाणी फक्त निवांत असणारा वेळ व्यतीत केला जातो. त्यावर बजेट घराचा विचार करता हॉल- 10 बाय 10, किचन- 8 बाय 8, बेडरुम- 10 बाय 10, बाथरुम- 4 बाय 7, संडास- 4 बाय 4, टेरेस- 4 बाय 7, अंतर्गत पॅसेज- 4 बाय 7 असले पाहिजे. थोडक्यात 1 बीएचके घराचा लागणारा कार्पेट एरिया किमान 364 चौ.फू. व त्याचप्रकारे 2 बीएचके घराचा लागणारा कार्पेट एरिया किमान 490 चौ.फू. असला पाहिजे.
सर्वात महत्त्वाचे म्हणजे आपल्याला वापरायला मिळणारा प्रत्यक्ष कार्पेट एरियाचा 100% उपभोग घेता येत आहे हे घराचे प्लॅनिंग व त्याची बांधकाम पद्धत बघून तपासून घेणे. बांधकाम गुणवत्ता (नवीन व पर्यावरण हितार्थ बांधकाम पद्धत)ः
प्र.- सध्या अस्तित्वात असलेली बांधकाम पद्धत कशी आहे? त्यात कोणत्या प्रकारच्या कमतरता आहे? त्यामुळे आपले आयुष्य तिथे जगताना आपणास कशाप्रकारच्या अडचणी येऊ शकतात? बांधकाम पद्धतीमध्ये काही नवीन पद्धत आली आहे का? अशा नवीन बांधकाम पद्धती आपल्या पुण्यात चलनात आहे का? नवीन बांधकाम पद्धतीमुळे त्या घरात काय चिरकालीन फायदे होतील? आपणास अशाप्रकारचे भक्कम घर मिळू शकते का?
उ.- सध्या बहुतांश गृहप्रकल्पामध्ये पारंपरिक कॉलम-बिम-स्लॅब आरसीसी, विट बांधकाम व वाळूचे प्लास्टर असणारी बांधकाम पद्धत अस्तित्वात आहे. पर्यावरण शुद्ध ठेवण्याकरिता सरकारने लाल मातीच्या विटांवरती व नदीच्या वाळू उपशावर बंदी घातली आहे. आजच्या काळात गृहप्रकल्पांमध्ये फ्लाय-ऍश किंवा सिपोरेक्स ब्लॉकची विट व प्लास्टरकरिता क्रॅशसॅंड वापरली जातात.
त्यामुळे न घराच्या भिंती भक्कम असतात, न त्यावर लावण्यात आलेला प्लास्टरसुद्धा अल्पकाळाने कमकुवत दर्जाचा ठरतो. अशा पोकळ बांधकाम पद्धतीत भिंतीवर खिळे नीट राहू शकत नाही आणि लिकेजचे प्रॉब्लेम देखील भविष्यात उद्भवतात. जरी आपला देश बांधकाम पद्धतीमध्ये आज देखील खूप मागे आहे तरी काही नवीन बांधकामपद्धती आपल्या देशातदेखील वापरात आली आहे.
काही नांदेड सिटीसारख्या टाऊनशीप प्रकल्पांमध्ये आरसीसी शियर वॉल पद्धतीची नवीन बांधकाम प्रणाली अस्तित्वात आलेली आहे. या बांधकाम पद्धतीमध्ये भक्ककक्कम आरसीसी भिंतींच्या आधाराने संपूर्ण बिल्डिंग उभारली जाते. त्यामुळे भविष्यात लिकेजसारखे प्रॉब्लेम उद्भवत नाही.
त्यात खिडक्या जर मोठ्या मापाच्या असल्या की गरमी वगैरे सारखे त्रास देखील होत नाही. मोठ्या, भव्य व महाग गृहप्रकल्पांमध्ये अशा प्रकारची बांधकाम पद्धतीचे घर मिळू शकतात; परंतु ते परवडणारी घरं नसतात. तरी, काही मोजके बिल्डर या बांधकाम पद्धतीचे सु-संशोधन करून परवडणारी घरं कशी बनवता येईल.
याचा प्रयत्न करीत आहे. सर्वसाधारणपणे, आपण निश्चित केलेले आपल्या प्रथम घरचा बजेट (18-25 लाख), त्यासाठी निश्चित केलेला परिसर (पीएमआरडीए हद्दीत) व गरजेनुसार निश्चित केलेला कार्पेट एरिया (सरासरी 1 बीएचके- 380 चौ.फू. आणि 2 बीएचके 500 चौ.फू.) वरून सेलेबल एरियाचे रेट ठरवणे सोपे जाईल. कार्पेट एरिया वरती 30-40% लोडींग केले जाते सेलेबल एरियाचा निष्कर्ष लावण्याकरता साधारणपणे, वरील घर घेण्याचे गणित योग्य ठरू शते जर तुम्हाला सेलेबल एरियाचा बाजारभाव रु. 3200 प्रती चौ.फू. याप्रमाणे मिळेल.
उदाहरणार्थ ः मगरपट्टा, हडपसर, फुरसुंगी, खराडी, मांजरी, हांडेवाडी, उंड्री येथे कामाला असणाऱ्या गृहस्थांनी वरील सर्व बाबींचा विचार करता वडकीसारखा उत्तम निसर्गरम्य परिसर निवडला पाहिजे जिथे विश्वासू आणि अनुभवी बिल्डरांकडून नवीन बांधकाम पद्धतीचा सु-संशोधन करून परवडणाऱ्या दरात आरसीसी शियर वॉल पद्धतीचा वंदन विहार सारखा खूप सुंदर गृहप्रकल्प अस्तित्वात आणत आहे.
– वैभव नरेंद्र लोढा
(कार्यकारी संचालक : जीव्हीएन डेव्हलपर्स प्रा. लि.)