ऋतुमानानुसार वेगवेगळी फॅशन करायचा सध्या ट्रेन्ड आहे. उन्हाळ्यातील कपडे वगेळे, हिवाळ्यातील कपडे वेगळे तसेच पावसाळ्यातीलही कपड्यांची फॅशन वगेळी असते. पावसाळा ऋतूत खासकरून सध्याच्या यंग मुली शॉर्टला अधिक पसंती देतात.
कारण पावसात चालताना, छत्री वापरताना, रेनकोट घालून फिरताना शॉर्टस कपड्यामध्ये सहज वावरता येते. शॉर्टस पॅंट किंवा स्कर्टवर एखादा टीशर्ट घालून त्यावर जॅकेट घातले की पावसाळी फॅशन होते, हे चित्र सगळीकडे दिसते आहे. शॉर्टसवर पावसाळी लांब शुज घातल्यास तुमच्या लूकमध्ये आणखी भर पडतो.
सगळीकडेच शॉर्टस घालून फिरता येत नाही अशावेळी स्किन जिन्स किंवा लेगीन्स हाही पर्याय उपलब्ध आहे. तुमच्या व्यक्तिमत्त्वाला साजेसे हे कपडे आहेत. शॉर्ट जिन्स ही सध्या पावसाळ्यातील ट्रेकिंगसाठी फॅशन बनली आहे. वेस्टर्न कपडे कधी घातले नसतील तर ते पावसाळ्यात सहसा वापरू नका.
कोणताही ड्रेस किंवा टी शर्ट पावसात भिजल्यास लवकर सुकेल असाच परिधान करा. कारण दिवसभर भिजलेले कपडे बदलायला मिळाले नाही तर अंगातील कपडे लवकर सुकले पाहिजे, असेच कपडे परिधान करा. लांब पायघोळ झगे पावसाळ्यात वापरू नये.