‘करोनाच्या अनुषंगाने खबरदारी घेऊन पुणे जिल्हयात मतदानास सुरुवात’

जिल्हाधिकारी डॉ.राजेश देशमुख यांची माहिती

पुणे – पुणे विभाग पदवीधर व शिक्षक मतदार संघ निवडणूकीसाठी पुणे जिल्हयात शांततेत व सुरळीतपणे मतदानास सुरुवात झाली. कोविड-19 च्या अनुषंगाने सामाजिक अंतर, मास्क, सॅनिटायझर, वैद्यकीय सुविधा आदी आवश्यक ती खबरदारी घेण्यात येत असल्याची माहिती जिल्हाधिकारी डॉ. राजेश देशमुख यांनी दिली.

करोनाचा प्रादुर्भाव वाढू नये यासाठी जिल्हयात मतदान केंद्र परिसरात प्रशासनाच्या वतीने योग्य ती खबरदारी घेण्यात येत आहे. सर्व मतदान केंद्रांचे निर्जंतुकीकरण करण्यात आले असून मतदानासाठी नियुक्त करण्यात आलेल्या अधिकारी व कर्मचाऱ्यांना करोनाचा संसर्ग रोखण्यासाठीच्या साहित्याचे कीट पुरविण्यात आले आहे. मतदानासाठी येणाऱ्या मतदारांमध्ये देखील सामाजिक अंतर राखण्याची दक्षता घेण्यात येत आहे. 

तसेच केंद्रावर येणाऱ्या मतदारांची थर्मल स्कॅनरद्वारे तपासणी करण्यात येत आहे. मतदान केंद्रावर मतदार सहायक कक्ष स्थापन करण्यात आले आहेत. दिव्यांग मतदारांसाठी व्हीलचेअर व सहायकाची सुविधा उपलब्ध करून देण्यात येत आहे. मतदान केंद्राबाहेर पोलीस बंदोबस्त ठेवण्यात आला आहे, असेही डॉ. देशमुख यांनी सांगितले.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

You might also like

Leave A Reply

Your email address will not be published.