Virat Kohli Record : आयपीएल २०२६ स्पर्धेत विराट कोहली (Virat Kohli Record) पुन्हा एकदा आपल्या class आणि consistency चा बोलबाला दाखवत आहेत. गेल्या दोन सामन्यांतील अपयश वगळता या हंगामात त्याने दमदार फलंदाजी केली आहे. लखनौ सुपर जायंट्स आणि मुंबई इंडियन्स विरुद्ध शून्यावर बाद झाल्यानंतर विराटने (Virat Kohli Record) कोलकाता नाईट रायडर्सविरुद्ध शानदार शतकी खेळी करत टीका करणाऱ्यांना चोख प्रत्युत्तर दिले. कोलकाता नाईट रायडर्सविरुद्धच्या या सामन्यात विराट कोहलीने १०५ धावांची नाबाद खेळी केली. या खेळीच्या बळावर त्याने आयपीएल इतिहासातील एक मोठा विक्रम नावावर केला आहे. आयपीएल २०२६ मध्ये त्याने ४०० हून अधिक धावा पूर्ण केल्या आहेत. यासह १९ हंगामांच्या आयपीएल कारकिर्दीत त्याने १२ वेळा ४००+ धावांचा टप्पा गाठला आहे. ही कामगिरी करणारा तो जगातील पहिला आणि एकमेव फलंदाज ठरला आहे. Virat Kohli Record ‘चेज मास्टर’ विराटची पुन्हा झलक विराट कोहलीला ‘चेज मास्टर’ का म्हटले जाते हे त्याने पुन्हा एकदा सिद्ध केले. दबावाच्या परिस्थितीत रन चेस करताना त्याची फलंदाजी नेहमीच खास असते. कोलकाता विरुद्धही त्याने हे दाखवून दिले. त्याच्या शतकाने रॉयल चॅलेंजर्स बंगळुरु (आरसीबी) ला विजय मिळवून दिला. या सामन्यात प्रथम फलंदाजी करताना कोलकाता नाईट रायडर्सने ४ गडी गमावून १९२ धावा केल्या. आरसीबी चेस करण्यासाठी मैदानात उतरताच त्यांची सुरुवात खराब झाली. जेकब बेथेल अवघ्या १५ धावा करून माघारी परतला. देवदत्त पडिक्कलने ३९ धावांची उपयोगी खेळी केली. कर्णधार रजत पाटीदार ११ धावांवर आणि टिम डेव्हिड केवळ २ धावांवर बाद झाले. मात्र शेवटी विराट कोहलीने १०५ धावांची नाबाद खेळी करत संघाला विजय मिळवून दिला. जितेश शर्मा ८ धावांवर नाबाद राहिला. आरसीबीने हा सामना ६ गडी राखून जिंकला. या विजयासह रॉयल चॅलेंजर्स बंगळुरुने प्लेऑफमधील आपले स्थान जवळजवळ निश्चित केले आहे. विराट कोहलीची आयपीएलच्या १९ हंगामातील कामगिरी… २००८ – १६५ धावा २००९ – २४६ धावा २०१० – ३०७ धावा २०११ – ५५७ धावा २०१२ – ३६४ धावा २०१३ – ६३४ धावा २०१४ – ३५९ धावा २०१५ – ५०५ धावा २०१६ – ९७३ धावा (विक्रम) २०१७ – ३०८ धावा २०१८ – ५३० धावा २०१९ – ४६४ धावा २०२० – ४६६ धावा २०२१ – ४०५ धावा २०२२ – ३४१ धावा २०२३ – ६३९ धावा २०२४ – ७४१ धावा २०२५ – ६३४ धावा २०२६ – ४०० धावा (चालू हंगाम)