काँग्रेस कार्यकर्त्यांमध्ये तुफान राडा; मारहाणीचा व्हिडिओ व्हायरल

भोपाळ – काँग्रेस पक्ष सध्या अडचणीत सापडला असून अनेक राज्यांत काँग्रेसची पिछेहाट झाली आहे. संघटनावर झालेल्या परिणामुळे काँग्रेसला अपयश येत असल्याचे मत अनेकजन व्यक्त करतात. त्यातच आता काँग्रेस कार्यकर्त्यांमध्ये तुफान राडा झाल्याचे समजते. मध्य प्रदेशची राजधानी भोपाळ येथे एका बैठकीत काँग्रेस कार्यकर्त्यांमध्ये चांगलीच जुंपली होती. याचा व्हिडिओ सध्या व्हायरल झाला आहे.

काँग्रेस कार्यालयात 20 फेब्रुवारी रोजी भोपाळ बंदच्या संदर्भात बैठक बोलावण्यात आली होती. या बैठकीत अनेक नेते आणि त्यांचे समर्थक उपस्थित होते. त्याचवेळी माजी महापौर विभा पटेल यांचे समर्थक आणि धर्मेंद्र राय यांच्या एका कार्यकर्त्यांमध्ये मारहाण सुरू झाली. याचा व्हिडिओ व्हायरल झाला आहे. मात्र या वादाचे कारण अद्याप स्पष्ट झालेले नाही.

व्हिडिओमध्ये  कार्यकर्ते एकमेकांशा शिव्या देत आहे आणि मारहाण करीत आहे. या घटनेनंतर तातडीने तेथील मीडिया कर्मचाऱ्यांना कार्यालयाच्या बाहेर पाठविण्यात आलं. आणि अशा प्रकारचं कव्हरेज करण्यापासून रोखलं.  एका महिन्यापूर्वी मंदसोर काँग्रेस कार्यालयातदेखील असाच प्रकार समोर आला होता.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

Leave A Reply

Your email address will not be published.