Vijay Vadettiwar । राज्यातील काँगेसच्या आणखी एक यादी नुकतीच प्रसिद्ध झाली. त्यात प्रतिभा धानोरकर यांच्या नावाची घोषणा करण्यात आली. प्रतिभा धानोरकर यांना चंद्रपूर लोकसभा मतदारसंघाच्या काँग्रेसच्या उमेदवार असतील. प्रतिभा या दिवंगत काँग्रेस नेते बाळू धानोरकर यांच्या पत्नी आहेत. विधानसभेचे विरोधी पक्षनेते विजय वडेट्टीवार हे त्यांची कन्या शिवानी वडेट्टीवार यांना लोकसभेची उमेदवारी मिळावी, यासाठी आग्रही होते. मात्र प्रतिभा धानोरकर यांना उमेदवारी जाहीर झाल्यानंतर विजय वडेट्टीवार नाराज झाल्याचे समोर येत आहे.
मला शक्य असेल तिथे प्रचारासाठी जाईल Vijay Vadettiwar ।
विजय वडेट्टीवार यांनी माध्यमांशी संवाद साधताना चंद्रपूरच्या उमेदवारीवरही भाष्य केलं. पक्षाने जो निर्णय घेतला तो मान्य आहे. शिवानीने उमेदवारी मागितली होती. पण ती दिली गेली नाही. मला शक्य असेल तिथे प्रचारासाठी जाईल. मी काँग्रेसचा नेता आहे. मला महाराष्ट्रभर काम करायचं संकटाच्या वेळेस महाराष्ट्र उभा राहिला आहे.दिल्लीच्या हादरे देण्याची हिंमत आणि शक्ती या महाराष्ट्रामध्ये आहे, असं वडेट्टीवार म्हणाले.
प्रतिभा धानोरकर गडबडीमध्ये माझं नाव विसरल्या असतील. नावामुळे फार काही फरक पडत नाही नाव घेतलं पाहिजे असं काही नाही. पाचही ठिकाणी माझा वाटा असतो. जिथे जिथे माझी गरज असेल तिथे तिथे मी जाईल, असे त्यांनी यावेळी म्हटले.
विरोधकांवर सडकून टीका Vijay Vadettiwar ।
काही लोकांना सत्तेमुळे शहाणपण सुचलाय. तो उशिरा सुचतो. लोकसभेची उमेदवारी गळ्यात पडल्याबरोबर त्याला काँग्रेसची हुकूमशाही दिसते. तर मला असं वाटतं की घोडा पुढे दौडत असताना घोड्याचा आवाज गाढव काढतोय आणि स्वतःला घोडा समजतो आहे असं तो प्रकार दिसतोय, असं म्हणत वडेट्टीवार यांनी विरोधकांना टोला लगावला आहे.
पुरोगामी विचाराला घेऊन चालणारा विदर्भ हा कायम काँग्रेस सोबत राहिलेला आहे. संकटाच्या वेळेस सुद्धा काँग्रेसला विदर्भातील प्रचंड अशी साथ दिली आहे. विदर्भातील पहिल्या टप्प्यातील पाचही लढती काँग्रेससाठी अनुकूल आहेत. चारही ठिकाणी भाजप बरोबर लढत आहे.विदर्भातील पूर्व जनतेने मनात ठरवलेला आहे,यावेळेस काँग्रेसला जिंकून द्यायचं आणि या पाचही लोकसभा क्षेत्रामध्ये काँग्रेस प्रचंड मताने विजयी झाल्याशिवाय राहणार नाही, असा विश्वास विजय वडेट्टीवार यांनी व्यक्त केला आहे.
