लांडगेंच्या विजयासाठी शिवसेनेच्या रणरागिणी मैदानात

यमुनानगरमधील मेळाव्याला उत्स्फूर्त प्रतिसाद

पिंपरी – भोसरी विधानसभा मतदारसंघात पन्नास टक्के महिला मतदार आहेत. प्रचारात त्या पुरुषांच्या खांद्याला खांदा लावून काम करीत आहेत. आमदार महेश लांडगे यांच्याकडून महिलांच्या मोठ्या अपेक्षा आहेत. त्या अपेक्षांची पूर्तता होण्यासाठी महायुतीला मोठ्या मताधिक्‍याने विजयी करावे, असे आवाहन शिवसेनेच्या जिल्हा महिला संघटिका सुलभा उबाळे यांनी येथे केले.

उबाळे यांच्या नेतृत्वाखाली शिवसेनेच्या रणरागिणींनी भोसरी विधानसभा मतदार संघातील भारतीय जनता पक्ष, शिवसेना, आरपीआय, रासप, रयत क्रांती शेतकरी संघटना आणि शिवसंग्राम संघटना महायुतीचे उमेदवार आमदार महेश लांडगे यांच्या प्रचारासाठी मैदानात उतरल्या आहेत. आमदार महेश लांडगे यांच्या प्रचारार्थ शिवसेनेच्या जिल्हा महिला संघटिका सुलभा उबाळे यांच्या नेतृत्वाखाली महिला आघाडीचा स्नेहमेळावा यमुनानगर येथे झाला. यावेळी उबाळे बोलत होत्या. महायुतीचे उमदेवार आमदार महेश लांडगे यांना मोठ्या मताधिक्‍याने विजयी करण्याचा निर्धार यावेळी करण्यात आला.

या मेळाव्याला महेश लांडगे यांच्या पत्नी पूजा लांडगे, माजी नगरसेविका सुनीता गवळी, वेदश्री काळे, शशीकला उभे, जनाबाई गोरे, गौरी घंटे, रुपाली आल्हाट, नंदा दातकर, राजश्री पाटील, निर्मला पाटील, पुष्पा मुतंडीकर, मनीषा परांडे, भारती चकवे, कोमल साळुंखे, विजया जाधव, दीपा गुरव, प्रतीक्षा लोयरे, श्रीदेवी लामझने यांच्यासह मोठ्या संख्येने महिला उपस्थित होत्या. युवती अधिकारी प्रतीक्षा घुले यांनी आभार मानले.

भोसरी विधानसभा मतदारसंघातील भारतीय जनता पक्ष, शिवसेना, आरपीआय, रासप, रयत क्रांती शेतकरी संघटना आणि शिवसंग्राम संघटना महायुतीचे उमेदवार आमदार महेश लांडगे यांच्या विजयासाठी महिलांनी कंबर कसली आहे. यमुनानगरमधून घराघरातून मतदार बाहेर काढण्याची जबाबदारी महिलांनी घेतली आहे. यमुनानगरमधून आमदार लांडगे यांना मोठे मताधिक्‍य मिळेल.
– सुलभा उबाळे, जिल्हा महिला संघटिका, शिवसेना

Ads

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)