इंदूर – आपण बांगलादेशींना आपल्या देशातून हाकलून लावू शकत नाही. पण त्यांच्यावर आर्थिक बहिष्कार टाकला पाहिजे. आता त्यांनी त्यांची ओळख लपवायला सुरुवात केली आहे. जर त्यांच्यावर बहिष्कार टाकला तर ते अडचणीत येतील आणि त्यांना देश सोडावा लागेल, असे प्रतिपादन स्वातंत्र्यवीर सावरकर यांचे नातू रणजित सावरकर यांनी केले. इंदूरमध्ये वीर सावरकरांच्या पुतळ्याचे अनावरण करण्यात आले. यावेळी मुख्यमंत्री मोहन यादव यांच्यासह रणजित सावरकरही उपस्थित होते.
रणजीत सावरकर म्हणाले की, स्वातंत्र्याच्या वेळी देशात ८ टक्के मुस्लिम होते, जे आता २२ टक्के झाले आहे. १९७० मध्ये बांगलादेशातून दीड कोटी मुस्लिम देशात आले. आता त्यांची संख्याही बरीच वाढली आहे. अनेक राज्यांमध्ये हिंदूत्ववादी सरकारे आहेत. अनेक जागा कमी फरकाने जिंकल्या गेल्या. भविष्यात त्यांचे उमेदवार जिंकू शकतील म्हणून बांगलादेशी मुस्लिमांना आता तिथे स्थायिक केले जात आहे. भारताने हा कट वेळीच ओळखला पाहिजे.
मुख्यमंत्री मोहन यादव म्हणाले की, वीर सावरकरांनी अनेक कष्ट सहन केले. तुरुंगात त्याचा छळ करण्यात आला. देशाला स्वातंत्र्य मिळवून देण्यात महत्त्वाची भूमिका बजावली. त्यांचा इतिहास त्याच्या खऱ्या स्वरूपात समजून घेण्याची गरज आहे. यावेळी महापौर पुष्यमित्र भार्गव म्हणाले की, जनतेच्या पाठिंब्याने इंदूरमधील प्रगती नगरमध्ये वीर सावरकरांचा पुतळा बसवण्यात आला आहे. हा पुतळा त्यामुळेच एक प्रेरणास्थळ बनेल, अशी आशा आहे.
