Elon Musk on EVM| इलेक्ट्रॉनिक व्होटिंग मशिन अर्थात EVM मशीनवरून अनेकदा गदारोळ होत असल्याचे दिसते. निवडणुकांमध्ये ईव्हीएम मशीनबाबत विरोधकांकडून प्रश्नचिन्ह उपस्थित केले जातात. यातच आता जगातील सर्वात श्रीमंत व्यक्ती एलॉन मस्क यांनी EVM मशीनबाबत एक ट्वीट करत सर्वांचे लक्ष वेधून घेतले आहे. यात मस्क यांनी थेट इलेक्ट्रॉनिक व्होटिंग मशीन रद्द करण्यात यावी, अशी मागणी केली आहे.
एलॉन मस्क यांनी अमेरिकेच्या राष्ट्राध्यक्ष पदाचे उमेदवार रॉबर्ट एफ. केनेडी ज्युनियर यांच्या पोस्टवर प्रतिक्रिया देताना म्हंटले की, “इलेक्ट्रॉनिक वोटिंग मशीन रद्द केल्या पाहिजे. या मशीन मानव आणि AI च्या मदतीने हॅक होण्याचा मोठा धोका आहे. हा धोका कमी आहे, पण त्याने मोठी गडबड होऊ शकते.”
दरम्यान, केनेडी ज्युनियर यांनी प्युर्टो रिकोच्या निवडणुकीत ईव्हीएमशी संबंधित अनियमिततेबद्दल एका पोस्टद्वारे सांगितले होते. त्यात केनेडी यांनी म्हंटले होते की, “प्युर्टो रिकोच्या निवडणुकीत शेकडो मतदानात अनियमितता दिसून आली. पण सुदैवाने पेपर ट्रेल असल्याने ही कमतरता ओळखण्यात आली आणि मतांची संख्या दुरुस्त करण्यात आली. पेपर ट्रेल असल्याने प्युर्टो रिको येथील गडबड पकडल्या गेली.”
We should eliminate electronic voting machines. The risk of being hacked by humans or AI, while small, is still too high. https://t.co/PHzJsoXpLh
— Elon Musk (@elonmusk) June 15, 2024
“पेपर ट्रेल म्हणजे बॅलेट पेपर, कोणाला मतदान केले याची माहिती देणारा कागद, जो मतदारांच्या हाती असतो. पण ज्या भागात असा पेपर ट्रेल नाही, तिथे अमेरिकन नागरिकांना माहिती पण होणार नाही की त्यांचे मतदान मोजण्यात आले की नाही आणि त्यांनी ज्या उमेदवाराला ते दिले, ते त्यालाच मिळाले?” अशी शंका केनडी यांनी व्यक्त केली. त्यावर एलॉन मस्क यांनी उत्तर देत EVM बाबत भाष्य केले.
ईव्हीएम मशीन काय आहे?
ईव्हीएम (इलेक्ट्रॉनिक व्होटिंग मशीन) हे मतदानासाठी वापरले जाणारे इलेक्ट्रॉनिक मशीन आहे, ज्याचा उपयोग मतमोजणीसाठी केला जातो. लोकांची मतदान प्रक्रिया सोपी, जलद आणि विश्वासार्ह करणे हे त्याचे मुख्य काम आहे. भारतातील निवडणुकांमध्येही ईव्हीएमचा वापर केला जातो. भारतात लोकसभा, विधानसभा आणि पंचायत निवडणुका अशा विविध प्रकारच्या निवडणुकांमध्ये ईव्हीएमचा वापर केला जातो.
हेही वाचा :
