नवी दिल्ली – करोनाचे वाढते रुग्ण आणि करोनाचं बदलतं रूप पाहता, केंद्र सरकारने यासंदर्भातील धोरणात मोठे बदल केले आहेत. केंद्र सरकारच्या निर्णयामुळं आता कोणत्याही रुग्णालयात दाखल करण्यासाठी रुग्णाला करोना रिपोर्ट दाखवणे बंधनकारक नाही. केंद्रीय आरोग्य मंत्रालयाने या संदर्भातील एडवायजरी प्रसिद्ध केली आहे.
नवीन एडवाजयरीनुसार, ज्या रुग्णांना रुग्णालयात दाखल करण्याची आवश्यकता आहे, त्यांना तत्काळ दाखल करून उपचार सुरू करावेत. त्या रुग्णाला कोणताही रिपोर्ट मागण्याची अवश्यकता नाही. मात्र करोनाचे लक्षण असतील आणि त्यांच्याकडे करोना रिपोर्ट नसेल तर त्यांना संशयीत रुग्णांच्या वॉर्डात भर्ती करावं, असंही केंद्रीय मंत्रालयाने म्हटलं आहे.
Union Health Ministry revises national policy for admission of COVID patients to COVID facilities; requirement of a positive test for COVID-19 virus is not mandatory for admission to a COVID health facility pic.twitter.com/odbcXo8iI4
— ANI (@ANI) May 8, 2021
आरोग्यमंत्रालयाने म्हटलं की, कोणत्याही रुग्णाला रुग्णालयात दाखल करून घेण्यास नकार देऊ नये. सर्वात आधी रुग्णाला दाखल करून घेणे, त्यानंतर त्याची आरटीपीसीआर टेस्ट करावी. रिपोर्ट येईपर्यंत त्याला संशयीत रुग्णांच्या वॉर्डात ठेवावे. केंद्र सरकारच्या या निर्णयामुळे करोनाच्या तीव्र लक्षणे असणाऱ्या रुग्णांना दिलासा मिळणार आहे.
