दुर्दैवी ! चिमुकल्या भाऊ-बहिणीचा शेत तळ्यात पडून मृत्यू

हिंगोली (शिवशंकर निरगुडे) – हिंगोली जिल्ह्यात एक हृदय पिळवटून टाकणारी घटना समोर आली आहे. सेनगाव तालुक्यातील बोरखेडी पिनगाळे येथील रहिवाशी असलेल्या सख्खा बहीण भावाचा तळ्यात बुडून मृत्यू झाला आहे. ऊसतोड कामगार असलेले श्रावण आसाराम चव्हाण यांची ही दोन्हही आपत्ये होती. ते कामावर असताना हा अपघात झाला. यामुळे संपूर्ण गावावर शोककळा पसरली आहे

सेनगाव तालुक्यातील बोरखेडी पिनगाळे येथील ऊसतोड कामगार पोटाची खळगि भरण्यासाठी करमाळा येथील ऊसतोडीच्या कामाला आपल्या लहान मुलामुलींना घेऊन गेले होते. मात्र काळाने अचानकपणे त्यांच्या कुटुंबावर घाला घातला.

ऊसतोड कामगार ऊस तोडून गाडी भरण्याचे काम करत होते त्यावेळी ही लहान मुले आजूबाजूला खेळत होती. बाजूलाच असलेल्या एका शेत तळ्यात प्रतिक्षा चव्हाण (७) ही अगोदर पडली व तिच्या मागे तिचा सख्खा भाऊ पृथ्वीराज चव्हान हा देखिल त्याच शेत तळ्यात पडला.

या दोन सख्या बहीण भावाचा मृत्यू झाल्यामुळे संपूर्ण गावावर शोककळा पसरली आहे.ही घटना 22 जानेवारी रोजी दुपारी 2 वाजण्याच्या सुमारास घटली. मृतक बहीण भावांना करमाळा येथील प्राथमिक आरोग्य केंद्रात उपचारासाठी नेण्यात आले होते मात्र डॉक्टरांनी त्याना मृत घोषित केले.त्यानंतर त्यांच्या मुळगावी बोरखेडी येथे त्यांच्यावर अंत्यसंस्कार करण्यात आले