नाशिक – विधानसभा निवडणुकीच्या पार्श्वभूमीवर पंतप्रधान नरेंद्र मोदी नाशिक दौऱ्यावर आहेत. महाजनादेश यात्रेच्या समारोपाला मोदी उपस्थित आहेत. यावेळी उदयनराजे भोसलेंनी साताऱ्याची पगडी मोदींना घालून त्यांचं स्वागत केलं आहे.
Grateful to our great leader Hon PM @narendramodi ji as he joins us at the historic #MahaJanadeshYatra Samarop in Nashik. #MahaJanadeshWithModi https://t.co/HH7Pjl6ZEv
— Devendra Fadnavis (@Dev_Fadnavis) September 19, 2019
तत्पूर्वी, पाच वर्षापूर्वी रायगड येथे पंतप्रधानांची भेट घेण्याची संधी उदयनराजेंनी गमावली होती. पंतप्रधानांनी निवडणुकीपूर्वी रायगडावर छत्रपती शिवरायांच्या पुतळ्यासमोर वीस मिनिटे नतमस्तक होऊन आत्मचिंतन केले होते. त्या भेटीकडे उदयनराजेंनी पाठ फिरवली होती. मात्र, गेल्या पाच वर्षात महाराष्ट्रातील बदललेले राजकीय वारे, राष्ट्रवादीत होणारी घुसमट याला कंटाळून उदयनराजेंनी भाजपमध्ये प्रवेश केला. पंतप्रधान मोदी व उदयनराजे हे महाजनादेश यात्रेच्या सांगता सभेच्या निमित्ताने पहिल्यांदाच एकाच मंचावर आले आहे. कोण मोदी? आम्हाला साताऱ्यातील पेढेवाले मोदी ठाऊक आहेत, हे उदयनराजेंचे वक्तव्य गाजले होते.यातच भाजपमधील प्रवेशानंतर उदयनराजेंची मोदींशी घेतलेली पहिली भेट चर्चेचा विषय ठरला आहे.