#U19CWC : झिम्बाब्वेचा कॅनडावर ९५ धावांनी विजय

पाॅटचेफस्ट्रूम (द.आफ्रिका) : एम्मानुअल बावाच्या नाबाद शतकी, तौराई तुगवेटे आणि गैरेथ चिरावु याच्या अर्धशतकी खेळीच्या जोरावर झिम्बाब्वेने मंगळवारी विश्वचषक क्रिकेट स्पर्धेतील (Plate Quarter final 3) सामन्यात कॅनाडाचा ९५ धावांनी पराभव करत विजय नोंदविला. एम्मानुअल बावा सामन्याचा मानकरी ठरला.

झिम्बाब्वेने नाणेफेक जिंकून प्रथम फलंदाजीचा निर्णय घेतला होता. त्यानंतर झिम्बाब्वेने तौराई तुगवेटेच्या ५०, ताडीवानाशे मरूमानीच्या २८, एम्मानुअल बावाच्या नाबाद १०५ आणि गैरेथ चिरावुच्या नाबाद ५४ धावांच्या खेळीच्या जोरावर ५० षटकांत ७ बाद २७१ अशी मजल मारली होती. कॅनाडाकडून अखिल कुमारने ३ गडी बाद केले.

त्यानंतर २७२ धावांचा पाठलाग करण्यास मैदानात उतरलेला कॅनाडाचा संघ ४७.३ षटकांत १७६ धावसंख्येवरच आटोपला. कॅनाडाकडून फलंदाजीत रूषी जोशीने २६, हरमनजीत बेदीने नाबाद २६, अखिल कुमारने २४, अष्टन देवसैमीने २२ आणि बेंजामिन कालित्जने १९ धावांची खेळी केली. झिम्बाब्वेकडून गोलंदाजी करताना कोसिलाटू नुनू, गैरेथ चिरावु आणि सखुमुजी एंडलेला याने प्रत्येकी २ गडी बाद केले.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

Leave A Reply

Your email address will not be published.