नवी दिल्ली : भारताचे माजी हाॅकीपटू बलबीर सिंह यांचे रविवारी निधन झाले. ते ७७ वर्षाचे होते. याबदलची माहिती रविवारी हाॅकी इंडियाने ट्विटरव्दारे दिली आहे.
हाॅकी इंडियाने ट्विट करताना माजी हाॅकीपटू आणि दोनवेळच्या आॅलिम्पिक पदक विजेत्या संघाचे सदस्य राहिलेल्या बलबीर सिंह खुल्लर यांच्या निधनाबदल दु:ख व्यक्त केले असून त्यांनी श्रध्दाजंली वाहिली आहे.
We are deeply saddened by the demise of our former hockey player and a two-time Olympic medallist, Balbir Singh Kullar.
We send out our heartfelt condolences to his family.#RIP pic.twitter.com/532WyFySYy
— Hockey India (@TheHockeyIndia) March 1, 2020
पंजाबमधील जालंधर जिल्हातील संसारपूर गावात जन्म झालेल्या बलबीर यांनी १९६३ साली फ्रान्सच्या लियोनमध्ये भारतीय संघात पदार्पण केले होते.
आपल्या कारकिर्दीत त्यांनी बेल्जियम, इंग्लंड, नेदरलॅण्ड आणि पश्चिम जर्मनी अशा देशाचा दौरा करताना भारतीय संघाचे प्रतिनिधीत्व केले. बलवीर १९६६ मध्ये आशियाई स्पर्धेत सुवर्ण आणि १९६८ मध्ये मैक्सिकोमध्ये झालेल्या आॅलिम्प्कमध्ये कांस्यपदक विजेत्या भारतीय संघाचे सदस्य होते.