जबलपूर – जबलपूरमध्ये इंडियन मेडिकल असोसिएशन (आयएमए) च्या वार्षिक सभेदरम्यान डॉक्टरांच्या दोन गटात जोरदार हाणमारी झाल्याचा प्रकार घडला आहे. ही घटना रविवारी घडली आणि सोमवारी या घटनेचा व्हिडिओ व्हायरल झाला.
जबलपूर आयएमएचे अध्यक्ष डॉ अभिजित बिश्नोई यांनी सांगितले की, बैठकीदरम्यान स्वागतपर भाषणाबाबत जबलपूरचे माजी आयएमए अध्यक्ष डॉ अमरेंद्र पांडे आणि आयएमए ग्वाल्हेरचे सदस्य यांच्यात हाणामारी झाली. सुरुवातीला आयएमए ग्वाल्हेरच्या डॉक्टरांमध्ये स्टेजच्या खाली शाब्दिक वाद झाला आणि नंतर त्यांच्यापैकी काही जण स्टेजवर पोहोचले आणि त्यांनी डॉ अमरेंद्र पांडे यांना मारहाण केली.
#jabalpur मप्र इंडियन मेडिकल एसोशिएसन के डॉक्टरों का जूनियरपन अभी भी नहीं जा रहा, स्टेट लेवल मीटिंग में जबलपुर-ग्वालियर के प्रेसिडेंट एक दूसरे की लात-घूंसों से पूजा करते दिखे
वाह..रे डॉक्टर #doctors #ViralVideos #madhyapradesh #ima #डॉक्टर #Latest_Viral_Video #fightingvideos pic.twitter.com/0mlxneEwng— Kartik Agnihotri | कार्तिक अग्निहोत्री (@AgnihotriKartik) October 31, 2022
आयएमएचे राज्य अध्यक्ष डॉ आर के पाठक म्हणाले, “रविवारी येथे आयएमएची वार्षिक प्रांतीय कार्यकारिणी बैठक आयोजित करण्यात आली होती. संपूर्ण राज्यातील आमचे प्रतिनिधी त्यात सहभागी झाले होते. बैठकीदरम्यान, जबलपूर शाखेचे आयएमएचे अध्यक्ष स्वागत करत होते.
दरम्यान, त्यांच्या स्वागत भाषणावरून उपस्थित काही प्रतिनिधींनी गोंधळ घातला आणि ते स्टेजवर पोहोचले. त्यांच्यात वाद झाला आणि त्यानंतर जबलपूर आयएमएच्या अध्यक्षांना मारहाण केली. पाठक पुढे म्हणाले की, “ही अत्यंत दुःखद घटना असून भविष्यात याची पुनरावृत्ती होऊ नये यासाठी आम्ही प्रयत्नशील राहु.