School News : लातूर जिल्ह्यातील श्रवण आणि वाकबधीर मुलांसाठी असलेल्या दोन सरकारी अनुदानित शाळा अनियमिततेमुळे बंद करण्याचे आदेश देण्यात आले आहेत, असे समाज कल्याण विभागाच्या अधिकाऱ्याने सांगितले. अपंग कल्याण सचिव तुकाराम मुंढे यांनी चौकशीनंतर हा आदेश जारी केला. उदगीर येथील राजर्षी शाहू निवासी मुकबधीर विद्यालयात अपंग कल्याण आयुक्तांनी केलेल्या तपासणीत या संस्थांमध्ये अपुरी विद्यार्थी संख्या, सरकारी पोर्टलवर विद्यार्थी नोंदणीचा अभाव आणि बायोमेट्रिक उपस्थिती प्रणालीचा अभाव यासह अनेक अनियमितता उघडकीस आल्या. तसेच, संत गाडगेबाबा निवासी कर्णबधीर विद्यालयाने २०१९ मध्ये कालबाह्य झालेल्या नोंदणीचे नूतनीकरण केले नसल्याचेही चौकशीत आढळून आले. त्यानंतर या दोन्ही शाळा बंद करण्याचे आदेश देण्यात आले. आदेशांची अंमलबजावणी न केल्यास संस्थांवर कठोर कायदेशीर कारवाई करण्याचा इशाराही मुंढे यांनी दिला आहे.