मुंबई – लव रंजनचा बहुप्रतीक्षित रोमँटिक कॉमेडी चित्रपट ‘तू झूठी मैं मक्कार’चा जबरदस्त ट्रेलर प्रदर्शित झाला आहे. ट्रेलरमध्ये उत्तम डायलॉग्जसह रणबीर आणि श्रद्धा कपूरची रॉकिंग केमिस्ट्री दिसून येणार आहे. कडक लोकेशन्सवर शूट करून रिलेशनशिपमधील अनोखी गुंतागुंत यात पाहायला मिळणार असल्याचे ट्रेलरवरून तरी स्पष्ट होते.
‘तू झूठी मैं मक्कार’हा चित्रपट 2023 मधील पहिला रोमँटिक चित्रपट असल्यामुळे तरुणाईला याची भुरळ नक्कीच पडणार असल्याचे ट्रेलरवरून जाणवते. एका दिमाखदार सोहळ्यात या चित्रपटाचा ट्रेलर प्रदर्शित करण्यात आला. या चित्रपटाद्वारे पदार्पण करणार्‍या स्टँड-अप किंग अनुभव सिंग बस्सी यांनी या कार्यक्रमाचे आयोजन करत आपल्या विनोदी वन लाइनर्सने यावेळी सर्वांचे मनोरंजन केले.
ट्रेलरमध्ये रणबीरचा कातिल लूक आणि श्रद्धा कपूरचा हॉट अंदाज सर्वांचचं लक्ष वेधून घेतोय. श्रद्धाचा बोल्ड अंदाज आणि रणबीरचे सिक्स पॅक यासह ट्रेलरमध्ये दाखवलेली त्यांची हटके स्टाईल चांगलीच लक्षवेधी ठरत आहे. ‘तू झूठी मैं मक्कार’ या अनोख्या नावानेच चित्रपटाच्या ट्रेलरची प्रतीक्षा आणखी वाढवली होती.
या ट्रेलरमध्ये प्रीतम, अमिताभ भट्टाचार्य आणि अरिजित सिंग यांच्या एकत्र आल्याने चित्रपटात जबरदस्त संगीताची झलकही पाहायला मिळते.लव फिल्म्सचे लव रंजन आणि अंकुर गर्ग निर्मित ‘तू झूठी मैं मक्कार’या चित्रपटाचे दिग्दर्शन लव रंजन यांनी केले आहे. तसेच, टी-सिरीजचे गुलशन कुमार आणि भूषण कुमारद्वारा प्रस्तुत हा चित्रपट, 8 मार्च 2023 रोजी होळीच्या दिवशी जगभरातील चित्रपटगृहांमध्ये प्रदर्शित होणार आहे.
