अहमदनगर : नगर- दौंड महामार्गावर बाबुर्डी बेंद जवळ ट्रक-कार भीषण अपघात चौघे ठार झाल्याची घटना घडली. ही घटना गुरुवारी पहाटे अडीच वाजण्याच्या सुमारास घडली .
नगर -दौंड महामार्गावरील बाबुर्डी बेंद परिसरातील महादेव वस्ती जवळ ट्रक (एमपी 09 एच एच 8378) व कार (एम एच 04 BY 4857) यांच्यात भीषण अपघात झाला. अपघातात जिल्हा परिषद सदस्य शरद झोडगे यांचा चुलत भाचा तर महेश झोडगे यांचा सख्खा भाचा यासह भिंगारचे दोन व वाळकीचा एक जण असल्याचे समजते.श्रीगोंदयाहून नगरकडे येत असताना हा अपघात झाला. अपघाताची माहिती मिळताच जिल्हा परिषद सदस्य संदेश कार्ले यांनी धाव घेतली. कार्ले यांच्यासह सरपंच दीपक साळवे, शरद चोभे, मिनीनाथ चोभे, राघू चोभे, मणेश भोसले व ग्रामस्थांनी अपघातग्रस्तांना सिव्हिल रुग्णालयात हलविण्यात मदत केली. अपघातात भिंगारचे तिघे जागीच ठार झाल्याने भिंगारवर शोककळा पसरली आहे.