मोदींवर हल्ला करण्याची धमकी; पाक सिंगर ट्रोल 

नवी दिल्ली – जम्मू-काश्मीरमधून कलम ३७० हटवल्यानंतर पाकिस्तानची पॉप सिंगर राबी पीरजादा हिने पंतप्रधान नरेंद्र मोदी यांच्यावर सतत वादग्रस्त वक्तव्ये करत चर्चेत राहिली आहे. आता पुन्हा एकदा राबी पीरजादाने ट्विटरवर पंतप्रधान मोदींची तुलना अॅडॉल्फ हिटलरशी केली आहे. यासोबतच तिने स्फोटकांचा जॅकेट घालून फोटो शेअर केला आहे. या फोटोमुळे राबीला सोशल मीडियावर चांगलेच ट्रोल केले जात आहे.

राबी पीरजादाने ट्विटरवर मोदींचा उल्लेख हिटरल म्हणून करत त्यांच्यावर हल्ला करण्याची इच्छा व्यक्त केली आहे. सोबतच काश्मिरकीबेटी हा हॅशटॅग वापरला आहे. यासोबतच तिने स्फोटकांचा जॅकेट घालून फोटो शेअर केला आहे. या फोटोमुळे राबी भारतीय ट्रोलर्सच्या निशाण्यावर आली आहे. एका युजरने म्हंटले कि, हा तर पाकिस्तानचा राष्ट्रीय पोशाख आहे.

तर दुसऱ्या युजरने आम्हाला भारतीय असल्यचाा गर्व असून इथे नारळ फोडले जातात, बॉम्ब नाही. तसेच पाकिस्तान पंतप्रधान इम्रान खान यांनी या ड्रेसला राष्ट्रीय पोशाख म्हणून घोषित करावे, असा सल्ला एका युजरने दिला आहे.

दरम्यान, काही दिवसांपूर्वीच पंजाब वन्यजीव संरक्षण आणि उद्यान विभागाने चार अजगर आणि अन्य सरपटणारे जंगली प्राणी बेकायदेशीररित्या ठेवल्याबद्दल राबी पीरजादाविरुद्ध कारवाई केली. याशिवाय तिच्याविरुद्ध लाहोरच्या एका स्थनिक न्यायालयाने अटक वॉरण्टही जारी केले आहे.

Ads

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)